[ Objavio: I. P. ]

NAJJAČI IKAD IZMJERENI

Udari bure u Splitu i do 176 km/h, na Dinari -17°C

U djelovima Dalmacije duva najjača bura ikada izmjerena, a jutros oko četiri sata u Splitu je izmjeren udar bure od čak 176 kilometara na sat.

To je najveća poznata brzina vjetra izmjerena u tom gradu.

U pojedinim djelovima Splita granje i drveće pada na puteve, par stabala je u Trogiru palo na automobile, a jak vjetar oborio je saobraćajne znake, prenosi "Dalmacija danas".

U Splitu je izmjerena temperatura od -1 stepena, dok je, kako se navodi, subjektivni osjećaj -11 stepeni, prenosi sajt i dodaje da je na Dinari izmjereno -17. 

Zbog jake bure, u prekidu su trajektne i katamaranske linije ka ostrvima, a zabilježeno je i par potopljenih jahti u Trogiru.