B.B.

Naoružana grupa ubila najmanje 20 ljudi u rudarskom selu u Nigeriji

Naoružana grupa ubila je najmanje 20 i ranila desetine ljudi u rudarskom selu u sjeverozapadnoj Nigeriji, saopštio je Amnesti internešenel.

Napadači su motociklima došli u selo Gobirava Čali juče popodne i krenuli u „ubijanje od kuće do kuće“, naveo je Amnesti internešenel u objavi na društvenoj mreži Iks.

Prva meta naoružanih napadača bio je rudnik zlata, gdje su ubili 14 ljudi, a ostala tijela žrtava nađena su u kućama i džamiji. Motiv napada ostao je nejasan, ali kriminalne grupe u Nigeriji su poznate po masovnim ubistvima i kidnapovanjima.

„Stanovnici okruga Dan Gulbi su više puta bili napadnuti od strane naoružanih ljudi i nastavljaju da žive u strahu od potencijalnog napada“, navodi Amnesti internešenel u svojoj objavi.