N. N.

ODVEDEN U BOLNICU

Golman Hetafea pao u nesvijest nakon sudara sa napadačem Majorke

Uznemirujuće scene iz Španije - golman Hetafea David Sorija ostao je bez svijesti nakon sudara sa napadačem Majorke Kajlom Larinom.

Sorija je pokušao da prekine akciju gostiju i istrčao van kaznenog prostora. Kanadski napadač ga nije vidio i udario je u njega.

Bivši golman Sevilje je u padu udario glavom u zemlju, nakon čega je ostao bez svijesti.

Na teren su odmah uletjeli doktori, a Sorija je na nogama napustio teren. Prebačen je u bolnicu, ali neće biti nikakvih posljedica.

Nakon 11 minuta pauze, utakmica je nastavljena a Majorka je preokrenula golovima Vedata Murićija u 90. i Pabla Mafea u 93. minutu.

Igrači tima sa balearskih ostrva su pobjedu posvetili iskusnom meksičkom treneru Havijeru Agireu, koji je posljednji put vodio Majorku.