N.R.

LIGA 1

PSŽ na krilima Mbapea deklasirao Monpelje

Poslije tri uzastopna remija u francuskoj Ligi 1, ekipa Pari Sen Žermena se vratila u pobjednički ritam.

Parižani su u  26. kolu kao gosti deklasirali domaći Monpelje sa 6:2, a u glavnoj ulozi bio je, naravno, Kilijan Embape, koji je postigao tri gola.

Domaći su odolijevali samo 14 minuta, a onda je Vitinja, na asistenciju Mbapea doveo PSŽ u vođstvo.

Samo osam minuta kasnije, Mbape poslije asistencije stiže i do svog prvog pogotka večeras, i to poslije dobre saradnje sa Muanijem, ali do kraja prvog poluvremena je Monpelje uspio da anulira tu prednost gostiju.

Nordin je na isteku prvih pola sata smanjio na 1:2, a u posljednjim trenucima prvog poluvremena domaći su iznudili penal koji je u gol pretvorio Savanije - 2:2.

Kilijan Mbape je svojim drugim golom već u 50. minutu vratio prednost gostima, a samo tri minuta kasnije Li Kang-In je povisio na 2:4.

Na het-trik Mbapea čekalo se do 63. minuta kada je pogodio na asistenciju Vitinje.

Konačnih 6:2 postavio je Mendeš u 89. minutu.