Л.В.

NBA

Batum sa osam trojki srušio Čikago, dobra partija Vučevića

Los Anđeles Klipersi su slavili sinoć na svom terenu protiv Čikago Bulsa sa 124:112.

Noć koju je obilježio francuski košarkaš Nikolas Batum, sa rekordom sezone i 24 ubačena poena (osam trojki).

On se našao u starnoj petorci, na poziciji četvorke i na najbolji način iskoristio odsustvo Markusa Morisa.

Koliko je skoro savršeno birao svoje šuteve, najbolje govori statistika da je svojih osam trojki postigao iz svega deset pokušaja.

"Jedna od onih ludih noći, kada sam jednostavno dobijao prostora za otvorene šuteve. Ako pogledate ponovo vidjećete da sam sve pucao bez driblinga. Moji saigrači su stvarno imali dobre pasove i na kraju jedna dobra timska košarka", kazao je Batum,

Njega su prati Kavaj Lenard i Erik Gordon sa po 22 poena.

Koliko je dobra bila timska košarka govori podatak da su Klipersi imali kao ekipa čak 41 asistenciju, što je najbolji timski učinak te frašize još od januara 2015. godine.

"Kada napadamo obruč, i kada igramo timski, mi smo jedan od najboljih timova i ligi. Ova utakmica da nam bude pokazatelj kako moramo da igramo generalno", kazao je trener Tajron Lu.

Klipersi su stigli na omjer 40:36 i petu poziciju na Zapadu, svega pobjedu manje od četvrtoplasiranog Finiksa.

Kod Čikaga naš Nikola Vučević je ubacio 20 poena uz dobru selekciju šuta (9/13), a imao je i osam skokova i pet asistencija.

Zak Lavin je dao 23 poena Demar Derozan je dao 21 poen i imao sedam asistencija (igrao u svom rodnom gradu).

"Kada jedna ekipa uđe u ovakav ritam, ovakve stvari se dese. Nisom uradili danas dobar posao sveukupno gledano. Dozvolili smo previše otvorenih šuteva za tri poena, dozvolili protivniku da uđe u ritam. Kasnije i kad bi smo krenuli da pokrivamo, oni bi pogađali, jer su već namjestili ruku", kazao je trener Čikaga Bili Donovan.

Bulsima je plej in gotovo izvjestan, ali i dalje je pitanje sa koje pozicije. Trenutno su deseti, sa pobjedom manje od Toronta i Atlante koji su ispred njih.