N.R.

Kraj jedne ere: Greg Popovič završio trenersku karijeru

Jedan od najvećih trenera u istoriji NBA lige Greg Popović zvanično više nije trener San Antonio Sparsa.

Kako je objavio poznati insajder Šems Čaranija, Popovič napušta klupu tima iz Teksasa poslije 29 godina.

Kako prenosi isti izvor, Popovič će biti predsjednik tima, odnosno, nadgledaće ključne sektore franšize kao što su: finansije, marketing, odnosi sa javnošću, prodaja karata i slično.

Iskusni stručnjak, koji ima 76 godina, nedavno je preživio moždani udar.

Popovič je u Sparse došao prvi put postao asistent 1988. godine da bi nakon četiri godine isti posao radio i u Golden Stejt Voriorsima.

Sve dok od 1996. godine nije dobio mjesto glavnog trenera San Antonija i stvorio dinastiju koja je pet puta bila najbolja u NBA.

Titule je osvajao 1999. 2003. 2005. 2007. i 2014. godine.

Tri puta je bio trener godine, a četiri puta glavni trener na Ol-star utakmici.

Sa košarkaškom reprezentacijom SAD je kao selektor osvojio zlato na Olimpijskim igrama u Tokiju 2021. i bronzu u Atini 2004.