M.M.Lj. [ N1 ]

Letjelica Atina sletjela na Mjesec, ali se ne zna u kakvom je stanju

Kompanija Intuitive Machines je u četvrtak objavila da je njena robotska letjelica Atina uspješno sletjela na površinu Mjeseca, ali trenutno se ne zna u kakvom je stanju. Letjelica, sa šest nogu, prenosi 11 paketa i naučnih instrumenata. Sletjela je na visoravan Mons Mouton, koja se nalazi oko 160 kilometara od južnog pola Mjeseca.

Letjelica je prvobitno bila planirana da sleti tačno u 12:32 po istočnoameričkom vremenu, ali podaci pokazuju da je motor letjelice i dalje radio u tom trenutku, što sugeriše da je bila iznad površine. Kontrola misije je zatim naredila gašenje motora, nakon čega je potvrđeno da je letjelica sletjela, ali i dalje nije jasno da li je sletjela uspravno ili se možda prevrnula.

Atina je lansirana 26. februara na raketi SpaceX sa Floride. Ovaj pokušaj je dio šireg trenda privatnih kompanija koje ulaze u istraživanje Mjeseca. Prije godinu dana, Intuitive Machines je pokušala da sleti sa drugim lenderom Odisej, ali zbog prebrzog udarca u tlo, letjelica je oštetila jednu nogu i prevrnula se, što je dovelo do uništenja dijela opreme.

Do sada je na Mjesec uspješno sletjelo pet država: bivši Sovjetski Savez, SAD, Kina, Indija i Japan. Trka za lunarno istraživanje nastavlja da se ubrzava, pri čemu SAD i Kina trenutno vode u nastojanjima da pošalju astronaute na Mjesec u ovoj dekadi.

Takođe, indijska letjelica Chandrayaan-3 je prošle godine uspješno sletjela u blizini južnog pola Mjeseca, što je dodatni pokazatelj globalnog interesa za resurse na Mjesecu. U međuvremenu, američka kompanija Firefly Aerospace je ostvarila najusješniji meki sletanje sa svojim lenderom Blue Ghost.

Kompanije poput Intuitive Machines, Firefly, Astrobotic Technology i drugih aktivno razvijaju lunarne letjelice u okviru NASA programa Commercial Lunar Payload Services, koji ima za cilj razvoj niskobudžetnih letjelica koje će istraživati površinu Mjeseca prije nego što SAD pošalje astronaute oko 2027. godine.