Srđa Vuković

EVROLIGA

Fenerbahče deklasirao Makabi, pobjede Olimpijakosa i Asvela

Košarkaši Fenerbahčea pobijedili su večeras na svom parketu Makabi sa 109:74, u meču 19. kola Evrolige.

Najefikasniji kod Fenerbahčea bili su Tajler Dorsi sa 21, Džonatan Motli sa 17 i Skoti Vilbekin i Jorgos Papajanis sa po 14 poena.

Kod Makabija bolji od ostalih bili su Bonzi Kolson i Vejd Boldvin sa po 13 i Lorenco Braun sa 10 poena.

Obje ekipe su zabilježile po 11 pobjeda i osam poraza i nalaze se na diobi četvrtog mjesta na tabeli.

Košarkaši Olimpijakosa pobijedili su večeras na svom parketu Monako sa 75:73.

Olimpijakos su do pobjede predvodili Ajzea Kenan sa 16, Aleks Piters sa 14 i Šekil Mekisik sa 13 poena.

Kod Monaka jedini dvocifreni bili su Mam Žaite sa 14 i Majk Džejms sa 10 poena.

Olimpijakos je na četvrtom mjestu sa 11 pobjeda i osam poraza, a Monako je na 10. mjestu sa 10 pobjeda i devet poraza.

Asvel je kao domaćin pobijedio Žalgiris sa 93:79.

Najefikasniji kod Asvela bili su Timote Luvavu-Kabaro sa 27 i Paris Li i Jusufa Fal sa po 22 poena, a Fal je dodao i 12 skokova.

Kod Žalgirisa bolji od ostalih bio je Kenan Evans sa 21 poenom.

Asvel je zabilježio treću pobjedu u Evroligi i uz 16 poraza zauzima posljednje 18. mjesto na tabeli. Žalgiris je na 16. poziciji sa šest pobjeda i 13 poraza.