N.R.

Palinja spasao Totenhem u finišu, Vulvsi i dalje bez pobjede

Fudbaleri Totenhema jedva su izvukli bod protiv Vulverhemptona, odigravši 1:1 na svom terenu u 6. kolu Premijer lige.

Uprkos ulozi favorita, Totenhem je odigrao blijed meč - jalova inicijativa i bezopasni napadi obilježili su prvo poluvrijeme. Jedinu pravu šansu imao je Kudus, ali je Džonston odlično reagovao.

Gosti su poveli u 54. minutu preko Buena, nakon prekida, a sve do nadoknade drugog poluvremena djelovalo je da će doći do prve pobjede u novoj sezoni.

Ipak, izjednačenje stiglo u samom finišu, Palinja je majstorskim udarcem donio bod svom timu.

Totenhem se nalazi na trećem mjestu sa 11 bodova, dok je Vulverhempton posljednji sa samo jednim.

U nastavku takmičenja, Vulvsi dočekuju Brajton, dok Totenhem gostuje Lidsu.