S.V.

LIGA EVROPE

Hojlund režirao preokret Junajteda, Roma sigurna, bod za Radunovićev FCSB

Iako je Junajted slavio na gostovanju Plzenu 2:1, Ruben Amorim se još jednom uvjerio koliko težak posao ga čeka na klupi "đavola".

Junajted je gubio, jer je Vidra na startu drugog dijela doveo domaće u vođstvo.

Onda je na scenu stupio Hojlund. Danac, koji je u 56. minutu ušao u igru umjesto Rašforda, sa dva gola je donio pobjedu "đavolima".

Junajted je peti sa 12 bodova, a Viktorija je na 15. mjestu sa devet poena.

Roma je bila sigurna protiv Brage na "Olimpiku" 3:0. Redom su pogađali Pelegrini, Abdulhamid i Ermoso.

Braga je od 68. minuta igrala sa igračem manje, pošto je direktan crveni karton dobio Mateus.

Roma je 14. sa devet bodova, a Braga je na 22. mjestu sa dva boda manje.

FCSB našeg Rista Radunovića koji je svih 90 minuta bio na terenu, igrao je bez golova na gostovanju Hofenhajmu.

Galastaraj je ispustio pobjedu na gostovanju Malmeu 2:2. Turci su golovima Jelert i Akguna vodili do 90. minuta, kada je izjednačio Penja.

PAOK je deklasirao Ferencvaroš 5:0. Golove za domaće postigli su Tajson, Tomas, Čalov, Živković i Despodov.

Tvente je odolio na gostovanju Olimpijakosu 0:0, dok je AZ Alkmaru malo bilo vođstvo 2:0 u gostima protiv Ludogoreca. Bugari su na kraju preko Čočeva i Due stigli do boda 2:2.