24. 03. 2014. 09:42   >>  09:48

SAVJETI

Kako da pobijedite proljećni umor

S dolaskom proljeća priroda se budi, ali naše tijelo je još uspavano, sa viškom kilograma i masnoća, pa je važno da ubrzamo metabolizam i cirkulaciju, savjetuju stručnjaci.

 

S prvim proljećnim danima obično osjećamo karakterističan umor, koji nas ponekad obori s nogu i odvuče u krevet, a najčešće ima veze s cirkulacijom, tvrde naučnici.

Evo nekoliko načina, koji će vam pomoći da prebrodite prve proljećne dane.

- Jutarnje tuširanje je dobra navika, trebalo bi da je usvojite, ako već niste. Najbolje je da se osvježite poslije vježbanja, a prije doručka. Tuširajte se naizmjenično toplom i hladnom vodom, jer to krvne sudove čini jačim i stimuliše strujanje krvi.

- Jak i ne previše slan doručak daće vam dovoljno energije na početku dana. So podiže krvni pritisak i energiju, ali ako imate hipertenziju, unos soli svedite na minimalnu količinu.

- Budući da je krvni pritisak najniži u prvom satu poslije jela, izbjegavajte obilne obroke, neka budu manji i češći. Na taj način izbeći ćete umor i pospanost poslije jela. Naravno, izbjegavajte alkohol jer loše djeluje na nervni sistem i skuplja krvne sudove.

- Pokušajte popodne da odremate kako biste napravili ravnotežu u organizmu i izborili se sa umorom

- Ishranu pojačajte voćem i povrćem i pijte više vode

- Pokušajte da što više vremena provodite napolju u prirodi i na suncu