Index.hr

MOŽDA IH NIJESTE ZNALI

Zanimljive činjenice o mačjem jeziku

Kad se mačka liže, dlaka i prljavština ostaju na "bodljicama" na jeziku i tako se one uklanjaju iz njenog kaputa. Svoj jezik koriste i da bi ocijenile da li je hrana prevruća, prehladna ili onakva kakva bi trebala da bude.

Jezik mačaka je zaista nevjerovatan organ.

A ako dosad nijeste znali mnogo o njemu, sad je pravo vrijeme da saznate.

1. Od čega se on sastoji?

Ako vas je vaša mačka ikad polizala, nijeste mogli da ne primijetite da njin jezik ima teksturu šmirgl papira. Razlog tome su sitne "bodljice" na njemu, izrađene od keratina, od kojih su izgrađeni i naši nokti. S obzirom da mačke nemaju sposobnost žvakanja, one im pomažu da gurnu hranu u smjeru za gutanje. Takođe, one im pomažu i da sastružu meso s kostiju, kad uhvate svoj plijen.

2. Uljepšavanje

Često ste možda čuli da je mačji jezik poput švajcarskog nožića i kao takav, ima savršenu strukturu za dotjerivanje. Kad se mačka liže, dlaka i prljavština ostaju na "bodljicama" na jeziku i tako se one uklanjaju iz njnog kaputa. Ali, to često dovodi i do stvaranja loptica od dlake pa je vrlo bitno da svog ljubimca češljate redovito. Stručnjaci preporučuju svaki dan, ako je to moguće. Takođe, te dlake mačka guta, a u grlo ih usmjeravaju bodlje, baš kao i hranu. One se zatim skupljaju u želucu i mogu dovesti do problema začepljenja, ako ih mačka ne iskašlje natrag.

3. Ukusi

Jezik mačke nije dobar u prepoznavanju ukusa, kao što je npr. jezik psa. Drugim riječima, mačke koriste ukus kako bi odredile koja je hrana za njih jestiva. Ukus ih primarno usmjerava na otkrivanje proteina i masti. Mačke nijesu preosjetljive na slano, a ukus slatkog najslabije otkrivaju.

4. On testira temperaturu hrane

Mačke nijesu sklone ekstremima, posebno kada je u pitanju njihova hrana. Sve u svemu, one najviše vole hranu na sobnoj temperaturi, a svoj jezik koriste da bi ocijenile da li je hrana prevruća, prehladna ili onakva kakva bi trebala da bude. Takođe, mačkama su bitni tekstura, veličina i oblik hrane. A hoće li joj se svidjeti ili će ju odbaciti, zavisi o tome kako je ona osjeća na svom jeziku.

5. Njime se rashlađuju

Kad se dotjeruju, mačkama jezik služi i za rashlađivanje. Lizanjem, vlaga ostaje na njihovom krznu, te ona stvara učinak hlađenja.

6. Pokazivanje ljubavi

Mačići o lizanju nauče od svojim mama, koje na taj način pokazuju ljubav prema njima. Kad vas vaša mačka liže, time ona pokazuje da joj je stalo do vas, a to je vrlo velikodušno od nje, s obzirom da one češće vole da se drže po strani.

7. Kako mačke piju vodu?

Iako bi vam sada mogli objašnjavati i objašnjavati, pronašli smo kratki video koji će vam najbolje objasniti kako je pijenje vode kod mačaka prava umjetnost. Voda se zapravo "diže", a mačka zatvara svoja usta, prije nego gravitacija omogući vodi da padne natrag. Pogledajte kako to izgleda.