B.Bu. [ Glossy ]

SAVJETI

Greške koje pri sušenju kose mnogi prave

Pri sušenju kose nakon pranja mnogi od nas ustraju na nekim navikama koje su prema stručnjacima za kosu itekako štetne. Saznajte koje su to i neka vam kosa napokon bude potpuno zdrava i jaka.

Korišćenje peškira
Je li umatanje mokre kose u peškir nakon tuširanja dio vaše rutine? Od sada biste trebali to izbjegavati. Gruba površina ne samo da remeti vašu prirodnu strukturu kose, već takođe uzrokuje ispucale vrhove i zamršenu i kovrčavu kosu. Radije sušite kosu starom pamučnom majicom. Pamučni materijal je puno nježniji  prema kosi i ne uzrokuje pucanje vrhova.

Izbjegavate proizvode za njegu i oblikovanje kose
Još jedna zabluda je da ako sušite kosu na zraku, ne trebate koristiti nikakve proizvode za njegu. Pogrešno, jer nakon pranja kose uvijek trebate nanijeti malo ulja za kosu na vrhove i proizvode za oblikovanje (npr. sprej s morskom soli ili pjenu) na dužinu. Na taj način ne samo da kosi dajete više volumena i teksture, već je i štitite od kovrčanja, piše Novi list.

Stalno petljate po kosi
Još jedna loša navika je da stalno dirate kosu rukama ili je češljajte dok se suši na zraku. Izbjegavajte to raditi, jer ova navika takođe može uzrokovati pucanje kose.

Ne stilizujete kosu
Pustiti kosu da se osuši na zraku zapravo je vrlo jednostavno: operite kosu, nanesite regenerator i gotovi ste. Međutim, kako biste postigli najbolji mogući rezultat, ne smijete zaboraviti oblikovati kosu. Savjet: jednostavno svežite kosu u opuštenu punđu ili ispletite dvije pletenice. Kad vam je kosa gotovo suva, otvorite frizuru, raspustite je prstima i imaćete meke valove.

Tuširate se prije spavanja
Idete li uvijek u krevet vlažne kose? To stvarno nije dobra ideja. Dok spavate, kosa vam se može zapetljati i sljedeće jutro izgledaćete kao Hagrid iz Harry Pottera. Ako ipak želite naveče oprati kosu, pokušajte spavati s kapom za tuširanje. Na ovaj način možete ostaviti tretman za kosu ili masku preko noći i ujutro se probuditi bez kovrča ili prljave jastučnice.