S. Vulić [ index.hr ]

Džastin Biber satima držao fanove u neizvjesnosti, sa gotovo 4 sata zakašnjenja objavio album

Dugo očekivani novi album Justina Biebera, SWAG II, napokon je dostupan na striming platformama, no obožavaoci su ga morali čekati više od tri sata od najavljenog termina, piše Just Jared.

Iako je 31-godišnji pjevač najavio da će album biti objavljen u ponoć sa četvrtka na petak, po američkom vremenu, to se nije dogodilo. Obožavaoci koji su ostali budni kako bi prvi poslušali nove pjesme bili su zbunjeni kada se album nije pojavio na servisima.

Neizvjesnost je prekinuo sam Bieber, koji se oko 2:40 ujutro po američkom vremenu oglasio na Instagramu i poručio da album stiže za "20 minuta". Ni taj rok nije ispoštovan, budući da se album na Spotifyju pojavio tek oko 3:45 ujutro.

SWAG II sadrži 23 nove pjesme, među kojima su i singlovi Speed Demon, Better Man i Love Song. Na albumu gostuju poznata imena poput Tems, Bakara, Hurricane Chrisa, Lil B-ja i Eddieja Benjamina.