M.M.Lj. [ Mina ]

evropa

Raste broj žrtava u poplavama, nevrijeme stiglo do Italije

U poplavama koje su zahvatile Poljsku, Češku, Rumuniju i Austriju poginulo je najmanje 19 ljudi, a jaka kiša i nevrijeme proširili su se i na Italiju.

U južnoj Poljskoj više od pet hiljada vojnika pomaže ljudima da se izbore sa posljedicama poplava.

U Nisi, gradu od 40 hiljada stanovnika na jugu Poljske, nivo vode je počeo da opada.

Pošto vodostaj Dunava raste, glavni gradovi Slovačke i Mađarske, Bratislava i Budimpešta, pripremaju se za moguće izlivanje iz korita, prenosi BBC.

Do poplava je došlo pošto je oluja Boris donijela velike količine kiše, čak i snijeg tokom vikenda u centralnoj i istočnoj Evropi.

Jaka kiša sa grmljavinom trenutno pada u Italiji i nacionalna meteorološka služba izdala je upozorenja za oblasti od sjeverne obale Emilije-Romanje do juga zemlje.

Nacionalna služba civilne zaštite za srijedu je izdala žuta upozorenja za skoro 50 regiona, upozoravajući da postoji opasnost od nevremena, klizišta i poplava.