B.B. [ Beta ]

u francuskim prekomorskim teritorijama

Pobjeda ljevice i separatističkog kandidata, osujećena desnica

Separatistički kandidat izabran je danas u Novoj Kaledoniji, dok je ljevica pobijedila u Gvajani, Martiniku i Gvadelupu, na parlamentarnim izborima u francuskim prekomorskim teritorijama, gdje su osujećene ambicije ekstremne desnice.

Emmanuel Džibau (Emmanuel Tjibaou) danas je postao prvi separatistički izabrani poslanik od 1986. godine u Novoj Kaledoniji, južnopacifičkom arhipelagu.

Džibau (48) novajlija u politici, pobijedio je sa 57,44 odsto glasova. Novi poslanik će u parlamentu sjedjiti sa poslanicima koje podržava ljevičarska koalicija Novi narodni front.

Ljevičarski kandidati izabrani su za poslanike u četiri gvadelupska izborna okruga, gdje su pobijedili kandidate ekstremne desnice.

Isti je slučaj u Gvajani, Martiniku i Gvadelupu gdje su pobjednici poslanici ljevice.

Drugi krug parlamentarnih izbora održan je u subotu u francuskim prekomorskim teritorijama, a danas u centralnoj Francuskoj.