[ Beta ]

TRI IMENA

Na spisku džihadista i napadači iz Pariza

Imena trojice organizatora napada na Pariz u novembru prošle godine nalaze se na spisku džihadista Islamske države koji je nedavno objelodanjen, prenijeli su danas njemački mediji.

166662

Ilustracija: Beta/AP

U pitanju su Sami Amimur, Fuad Mohamed Agad i Omar Mostefai, trojica napadača na koncertnu dvoranu Bataklan, u kojoj je ubijeno 90 ljudi, prenijeli su njemački dnevni list Zidojče Cajtung i televizije NDR i WDR, koji su imali pristup dokumentima.

Ime Abdelhamida Abauda, koji se smatra jednim od glavnih organizatora napada u kojima je život izgubilo ukupno 130 osoba, takođe se nalazi na spisku, ali samo u svojstvu "garanta" bezbjednog ulaska u Siriju drugog džihadiste iz Francuske, čiji identitet nije otkriven.

Mediji navode da su pronađeni lični podaci ukupno 16 napadača na Pariz, od kojih su trojica organizatori masakra u dvorani Bataklan. Fuad Mohamed Agad je otišao u Siriju kako bi se priključio grupi džihadista koji su ušli u Francusku 18. decembra 2013. godine.

"Svi su željeli da postanu borci Islamske države, a među njima je bio i Agad", precizirali su mediji.

Tokom ove nedjelje, Zidojče Cajtung, njemačke televizijske mreže NDR i WDR, kao i britanska mreža Skaj njuz (Sky News), došli su u posjed dokumenata sa ličnim podacima 22.000 džihadista, čiju je autentičnost potvrdila njemačka policija.