SJEĆANJE

Prije 39 godina otvorena pruga Bar-Beograd

Na današnji dan, 28. maja 1976. godine, nakon 23 godine izgradnje, svečano je u rad puštena pruga Beograd – Bar. Tada je na put ovom prugom krenuo predsjednik SFRJ, Josip Broz Tito u pratnji supruge Jovanke, ispraćen na glavnoj stanici u Beogradu od mase naroda.

Na svakoj većoj stanici ljudi su dočekivali “Plavi voz” i maršala Tita.

Tako je bilo i u ondašnjem Titogradu, gdje su se na željezničkoj stanici okupili odrasli i đaci titogradskih škola kako bi pozdravili prolazak “Plavog voza”.

Pruga Beograd – Bar je jedan od najvećih građevinskih poduhvata SFRJ, probijana kroz neke od najtežih (ali i najljepših terena). Dovoljno je pomenuti samo most na Maloj rijeci.

Danas, 39 godina kasnije, barska pruga i nije u tako sjajnom stanju.