Slaviša Đorđević, Radio CG

kod andrijevice

Održani Dani srijemuša i tradicionalne kuhinje

U avanturistickom parku Mojan ispod Komova, blizu sela Japan kod Andrijevice, i ovog 25. maja održani su Dani srijemuša i tradicionalne kuhinje.

Više stotina građana sjevera i turista bilo je na ovoj turističko-kulturno-gastronomskoj manifestaciji.

Dane srijemuša, koje organizuje opština, otvorio je prvi čovjek Andrijevice Željko Ćulafić, a prisustvovao je i predsjednik parlamenta Andrija Mandić.

Tradicionalna, treća po redu manifestacija posvećena je srijemušu, divljem bijelom luku, koji raste uglavnom u bukovim šumama. O toj, izuzetno zdravoj biljci, postoji priča da je, čim se probudi iz zimskog sna konzumira i medvjed, kako bi pročistio organizam nakon duge zime.