N.R.

bundesliga

Remi u okršaju dvije Borusije

U posljednjem meču subotnjeg programa Bundeslige viđen je remi u okršaju dvije Borusije, Menhengladbah - Dortmund 1:1.

Mnogo bolje je prvo poluvrijeme odigala ekipa Dortmunda koja je za 45 minuta imala šest udaraca na gol, dok je imenjak iz Menhengladbaha uputio samo dva šuta, od kojih nijedan nije išao ka golu Kobela.

Dortmund je u 64. minutu stigao do prednosti od 1:0 - Gitens je odlično prošao i savladao golmana Morica.

Sedam minuta kasnije je Paskal Gros skrivio penal, koji je u gol pretvorio Kevin Šteger za konačnih - 1:1.

Domaći su meč zavrili sa igračem manje jer je u petom minutu nadoknade crveni karton dobio Cvancara.

Dortmund je nakon ovog meča ostao na petom mjestu sa 21 bodom, dok je Menhengladbah na 11. poziciji sa tri boda manje od "milionera".