В.Г.

POTPISAO UGOVOR NA TRI GODINE

Inter ima novog golmana: Zomer stigao na "Meacu"

Doskorašnji čuvar mreže Bajerna iz Minhena, Jan Zomer novi je član milanskog Intera.

Švajcarac je na "Đuzepe Meacu" stigao u transferu vrijednom 6 miliona eura, a sa Interom je potpisao ugovor do 2026. godine.

Zomer je bio prva meta "Neroazura" da na golu zamijeni Andre Onanu koji je otišao u Mnačester Junajted, Inter je ostao i bez drugog golmana ovog ljeta, pošto je Samiru Handanoviću istekao ugovor.

Ovaj 34-godišnjak je tokom vikenda i obavio medicinske testove, prije nego što je stavio potpis na ugovor sa novim klubom.

Zomer je najveći dio svoje karijere, osam ipo sezona proveo u Borusiji Menhengladbah, prije nego što je prethodnu polusezonu proveo u Bajernu, kao zamjena za Manuela Nojera, koji je krajem pršle godine slomio nogu na skijanju.

Pored Bodusije, bio je član Bazela i Grashopersa.

U međuvremenu, Interu je još uvijek potreban drugi golman, a njega vide u čuvaru mreže Sampdorije, Emilu Auderu.

Kako je potvrdio njegov agent Tulio Tinti, to bi bila pozajmica sa mogućnošću otkupa, a u suprotnom smjeru bi otišao golman Intera,Filip Stanković, sin bivšeg trenera Sampdorije i bivšeg veziste Intera Dejana Stankovića.