[ (Sport Klub) ]

02. 02. 2022. 22:55   >>  22:58

KUP AFRIKE

Senegal prvi finalista, nadjačao Burkinu Faso

Fudbalska reprezentacija Senegala prvi je finalista Afričkog kupa nacija pošto je u polufinalu savladala selekciju Burkine Faso rezultatom 3:1. U prvom poluvremenu nije bilo golova, ali je bilo mnogo uzbuđenja. Senegal je imao više od igre, povoljne prilike propustili su Čeik Kojate i Sadio Mane. Na drugoj strani uzvratio je Hasane Bande, ali je Edoar Mendi sjajno reagovao.

Sudija je u prvih 45 minuta čak dva puta svirao penal za Senegal, ali je oba puta promijenio odluku nakon VAR konsultacija.

Burkina Faso je u 36. minutu morala da promijeni golmana nakon teške povrede Herveja Kofija, zamijenio ga je Oeadraogo, a zbog silnih prekida i VAR-a prvo poluvrijeme produženo je čak devet minuta.

U nastavku meča Kamerun je iskoristio šanse i zasluženo otišao u finale. Vodeći gol postigao je Abdu Dijalo u 70. minutu, a pobjedu praktično potvrdio šest minuta kasnije Idrisa Gaje nakon asistencije prve zvijezde tima Sadija Manea.

Burkina Faso je u 82. minutu preko Ibrahima Turea smanjila prednost Senegala, ali je pet minuta kasnije Mane postavio konačnih 3:1 za Senegal. Bio je to rekordan 29. gol Sadija Manea u dresu "Lavova iz Terange".

U drugom polufinalnom meču u četvrtak sastaju se domaćin Kamerun i Egipat. Te dvije selekcije su najuspješnije u istoriji ovog takmičenja. Kamerun je pet puta bio prvak Afrike, a Egipat je rekorder sa sedam titula.

Domaća selekcija je ostavila odličan utisak u dosadašnjem toku takmičenja, dok Egipat ima trenutno jednog od najboljih igrača na svijetu, Mohameda Salaha. 

Finale je na programu 6. februara.