S.V.

LIGA ŠAMPIONA

Minus sedam u Danskoj: Esbjerg kaznio promašaje Budućnosti

Da se svaka greška, bilo u odbrani, bilo u napadu, surovo kažnjava u Ligi šampiona, rukometašice Budućnosti su se uvjerile još jednom - "plave" su do 40. minuta parirale favorizovanom Esbjergu u gostima, ali su promašile previše zicera da bi mogle do iznenađenja. Na kraju poraz je bio logičan - 26:19.

Budućnost tako nakon osam mečeva ostaje na jednom osvojenom bodom i to protiv prvaka Evrope Đera.

Prije sedam dana u meču sa istim rivalom  Budućnost je danas odigrala dobro drugo poluvrijema, a danas je bilo obratno.

Esbjerg je na početku meča u nekoliko navrata imao minimalnu prednost, da bi Marković sa dva sjajna gola, te Godeč donijele preokret "plavima" u 15. minutu 6:4.

U tim trenucima na golu je blistala Atinge, ali to Budućnost nije iskoristila da se odvoji na nekoliko golova razlike. Kzanila je to Jakobsen i smanjila na 6:5.

Nedugo zatim, Rejštad je sa dva gola vratila stvari na početak 7:7.

Naša ekipa je potom počela da se muči u napadu. Solberg je u 23. minutu vratila vođstvo Esbjergu 8:7, da bi nakon promašenog zicera Godeč, Jakobsen prvi put donijela plus dva domaćoj ekipi 9:7.

Razlika bi bila veća da Atinge nije blistala na golu. Popović je zatražila tajm-aut, što je urodilo plodom, jer je Bulatović prekinula post u napadu 9:8.

Iako su u posljednja dva minuta prvog dijela imale igračicu manje, Budućnost je na veliki odmor otišla sa minus jedan, pošto je Ivanović sa zvukom sirene pogodila sa devet metara 10:9.

Serijom 3:0 Esbjerg je otvorio nastavak meča i stigao do rekordnih plus četiri 13:9. Budućnost je reagovala dobro nakon toga, postilga dva gola i nizu, a potom promašila tri zicera za minus jedan.

Kazna je bila surova, jer je Esbjerg za tili čas dao tri gola i odvojio se na plus pet 16:11.

Kada je Isaksen u 49. minutu pogodila nakon prodora za plus šest 18:12, bilo je jasno da će "plave" teško stići do iznenađenja.

Nilsen je pet minuta prije kraja donijela Esbjerku plus sedam 22:15 i potom je uslijedio miran kraj meča.

Radivojević je bila najefikasnija kod Budućnosti sa pet golova. Kod esbjega nabolja je bila Solberg-Isaksen sa šest pogodaka.