D.B.

Tinejdžerka Mira Andrejeva osvojila Indijan Vels

Mlada ruska teniserka Mira Andrejeva (17) je uspjela da savlada Bjeloruskinju Arinu Sabalenku sa 2:1 u setovima i osvoji Indijan Vels.

Andrejeva, koja je 11. na VTA listi je savladala prvu teniserku svijeta za dva sata i šest minuta, po setovima – 6:2, 4:6, 3:6.

Tinejdžerka je uzela četiri puta servis bjeloruskoj teniserki, dok je Sabalenka osvojila tri brejka.

Ruska teniserka zabilježila je šest asova, dok je Sabalenka osvojila jedan poen direktno iz servisa.

"Imam trenera koji mi svojim iskustvom mnogo pomaže", poslije trijumfa pohvalila je Končitu Martines, šampionku Vimbldona od prije 31 godine.

"Daje mi savjete, objašnjava kako taktički da igram kako ne bih rasipala energiju. Mnogo sam zahvalna cijeloj mojoj ekipi".

Nije se uplašila vođstva protivnice koja je do sada vodila sa 4:2 u međusobnim duelima.

"Bila sam nervozna cijeli meč, ali kada je dobila prvi set, samo sam pomislila da moram nešto da mijenjam. Zato sam u nastavku pokušala da budem još agresivnija. Nisam pokušala da jače udaram od nje jer to niko ne može. Moj cilj je bio da igram tako da njoj bude neprijatno i to sam, gem po gem, uspijevala", zaključila je Andrejeva.

Bila je to 12. pobjeda u nizu za mladu rusku teniserku i druga velika titula. Prethodnu je osvojila prije samo nedjelju u Dubaiju. 

Andrejeva je od danas šesta na WTA listi.