[ Beta ]

MASTERS U RIMU

Pobjede Šapovalova i Kontaveit, Kerber eliminisana

Kanadski teniser Denis Šapovalov plasirao se danas u drugo kolo mastersa u Rimu, pošto je pobijedio Argentinca Gvida Pelju poslije dva seta, 6:2, 6:3.

Šapovalov je pobijedio poslije skoro sat i po vremena, napravio je četiri brejka, a Pelja nijednom nije uspio da mu oduzme servis.

Kanađanin će igrati protiv Španca Pedra Martinesa, koji je bio bolji od Amerikanca Sema Kverija 6:3, 7:6.

U drugom kolu je i Estonka Anet Kontaveit, pobjedom protiv Francuskinje Karoline Garsije 6:3, 7:6.

Kontaveit će igrati protiv bolje iz duela Ruskinje Svetlane Kuznjecove i Amerikanke Bernarde Pere.

Čehinja Katerina Sinijakova pobijedila je u prvom kolu Andželik Kerber iz Njemačke sa 6:3, 6:1.

Ona će igrati protiv pobjednice duela ruskih teniserki Vere Zvonarjove i Darije Kasatkine.