Rukomet
24. 01. 2022. 19:29 >> 19:29 2
EVROPSKO PRVENSTVO
Danska u polufinalu, Hrvatska nakon preokreta savladala Island
Danska je prvi polufinalista Evropskog prvenstva, nakon što je ubjedljivo savladala selekciju Holandije 35:23.
Skandinavci su tako zadržali maksimalan učinak u dosadašnjem dijelu šampionata.
Dance je predvodio Matijas Gidsel sa devet golova, Mikel Hansen je dodao sedam.
Na drugoj strani šest golova Bajensa.
Rukometaši Hrvatske savladali su Island nakon preokreta 23:22 i upisali prvu pobjedu u 2. fazi.
Island je ostao na dvije pobjede, ima i dva poraza, a Hrvatska je sa jednim trijumfom dostigla Crnu Goru i Holandiju.
"Ribari" su tokom prvog dijela imali i pet golova viška, a na poluvrijeme su otišli sa plus dva - 12:10.
Hrvatska je,potom kaznila "prazan hod" Islanda u drugom dijelu i povela 19:14, ali nije moglo bez drame.
Islanđani su preokrenuli 22:21 i činilo se idu ka pobjedi. Međutim, posljednju riječ je imala Hrvatska,pošto je Gadža 10 sekundi prije kraja pogodio za pobjedu.
U hrvatskom timu najbolji je bio Tin Lučin sa šest golova, koliko je u poraženom sastavu postigao Ori Torkelson za Island.
Komentari 2
ostavi komentar