D.B. [ Beta ]

Novozelanđanin Rut najmlađi atletičar koji je milju pretrčao za manje od četiri minuta

Novozelanđanin Sem Rut postao je najmlađi atletičar koji je jednu milju pretrčao za manje od četiri minuta, 24 dana prije 16. rođendana.

Rut je u utorak trku na jednu milju na Maunt smart stadionu u Oklendu pretrčao za tri minuta, 58,35 sekundi.

Takođe i novozelandski olimpijac Sem Taner i Ben Vol, koji su bili njegovi pejsmejkeri, trčali su ispod četiri minuta. Rut je postao prvi 15-godišnjak koji je milju pretrčao za manje od četiri minuta.

Prije njega najmlađi atletičar koji je za manje od četiri minuta pretrčao milju bio je dvostruki olimpijski šampion Norvežanin Jakob Ingebrigtsen, koji je 2017. godine ostvario rezultat 3:58,07, kada je imao 16 godina i 250 dana.