S.V.

Druge utakmice četvrtfinala: Larkin i Žaite podijelili MVP nagradu

Košarkaši Efesa i Monaka, Šejn Larkin i Mamadu Žaite proglašeni su za najkorisnije igrače (MVP) drugih utakmica četvrtfinala Evrolige.

Obojica su imali indeks korisnosti 27.

Efes je slavio u gostima protiv Panatinaikosa 79:76 i izjednačio u seriji na 1:1, a Larkin je na tom meču za 33 minuta ubacio 20 poena, pet asistencija i tri skoka.

Larkin je drugi put ove sezone osvojio MVP nagradu.

Monako je savladao Barselonu sa 92:79 i poveo 2:0 u seriji, a Žaite je za 16 minuta upisao 20 poena, četiri skoka i dvije ukradene lopte. Njemu je ovo prvi put u karijeri da osvoji MVP nagradu.