D.B.

Dabl-dabl Vučevića u porazu od Minesote

Čikago je poražen sinoć od Minesote 127:108 a Nikola Vučević ostavrio je dabl-dabl učinak, 10 poena uz 11 skokova.

Entoni Edvards predvodio je ekipu do pobjede sa 49 poena, od kojih je 20 postigao u trećoj četvrtini, a imao je još devet skokova i tri asistencije. Postigao je šest trojki iz 14 pokušaja, a 17 poena od 18 pokušaja sa linije za slobodna bacanja.

Naz Rid u pobjedi je učestvovao sa 22 poena, 10 skokova i šest asistencija, a Rudi Gober sa 10 poena i 15 skokova.

U ekipi Čikaga Kobi Vajt postigao je 20 poena, Džoš Gidi 19, a Nikola Vučević 10 poena uz 11 skokova.

Iako su Bulsi uspjeli da smanje zaostatak na 62:60 do poluvremena, Minesota je dominirala u posljednjoj četvrtini 33:18, osiguravši pobjedu. 

Ova pobjeda prekinula je niz od dva uzastopna poraza Minesote dok su Bulsi igrali drugu utakmiu u dvije noći nakon što su prethodne noći pobijedili Majami Hit.