S.V.

Pojačanje na bekovskoj poziciji: Erik Mekalum novi igrač Fenera

Doskorašnji igrač Pinar Karšijake, Erik Mekalum (37) do kraja sezone igraće za Fenerbahče, saopštio je klub iz Istanbula.

Makalum se tako nakon četiri godine vraća u Evroligu. Tada je nastupao u dresu Himkija.

Prethodne dvije sezone igrao je za Karšijaku, a u Turskoj je igrao još i za Galatasaraj i Efes. U karijeri je još nastupao i za Uniks i Lokomotivu.

On je Karšijaku napustio zbog loše finansijaske situacije u klubu. To je iskoristio Fener, koji ga je doveo da zamijeni Skotija Vilbekina, Vejda Boldvina i Arturasa Žagarsa.

U Karšijaki, Mekalum je ove sezone imao prosjek od 16 poena, 2,2 skoka i 5,2 asistencije u Turskoj.