L.V.

"MANIPULACIJA BROJKAMA"

Arenas: Kada Vestbruk napravi tripl dabl to je jurenje statistike, kad Jokić i Dončić naprave to je "Vau"

Legendarni košarkaš, koji je kroz karijeru najveći trag ostavio u Vašington Vizardsima, Gilbert Arenas, govorio je i nepravednom odnosu medija koje ima Rasel Vestbruk sa jedne i Nikola Jokić i Luka Dončić sa druge strane.

Popularni "Agent Zero" je govorio kako su mediji kada je Rasel Vestbruk imao u prosjeku tripl dabl sezonu komentarisali da se radi o "jurenju statistike".

"Rasel je imao sezonu u kojoj je imao tripl dabl u prosjeku, i to je tada nazivano "bildovanje statistike". Ali kada Jokić i Luka imaju sezone koje su približne toj statistici onda je medijma to "Vau", kazao je Arenas u jednoj emisiji.

Njega posebno tangira odnos medija prema Vestbruku.

"Pojavio se momak koji je imao, koliko sezona u prosjeku tripl dabl učinak. I niko tada nije davao dovoljno pažnje tome. A danas o Jokićevi i Dončićevim brojkama govore da je to nešto što se nije gledalo od Karima Abdula Džabara. Pa desilo se i prije njih dvojice, ne možete tek tako da preskočite Rasa kao da njegove brojke nisu postojale, to je klasična manipulacija", kazao je Arenas.

Vestbruk je u svojoj karijari imao čak četiri sezone u kojima je postizao tripl dabl učinak u prosjeku, do njegove pojave samo je Oskar Robertson u istoriji imao jednu sezonu sa takvim brojkama.