PREMIJER LIGA

Siti preko Sautemptona do drugog mjesta

Mančester Siti odlično odigrao i slavio na gostovanju u Sautemptonu 3:0. Šampion posljednjih 15 minuta igrao sa igračem manje, ali ni to nije bio problem za učenike Manuela Pelegrinija. Jovetić igrao do 55. minuta i imao jednu dobru šansu. "Građani" su sada drugi na tabeli a šest bodova manje od lidera Čelsija.

Hart je u uvodu meča odbranio šut Tadića, uzvratio je Ture na drugoj strani.

Potom je Hart spašavao i nakon pokušaja Pelea, da bi o nakon pola sata igre šampion imao zicer. Šut Jovetića s gol-linije je izbacio Aldervireld!

Nakon prvih 45 minuta nije bilo golova.

Drugo poluvrijeme je novim pokušajem otvorio Tadić, ali Hart je izašao kao pobjednik.

Kazna je stigla u 51. minutu. Aguero je uposlio Jaju Turea koji preciznim udarcem pogađa za 1:0.

Siti je posljednjih 15 minuta igrao sa igračem manje, pošto je isključen Mangala, ali je u finišu postigao još dva gola.

Frank Lampard je sjajnim udarcem udvostručio je prednost, a konačnih 3:0 postavio je Kliši dva minuta prije kraja…