S.V.

Leverkuzenu malo 2:0 protiv Lajpciga, Bajern na plus šest

Bajern je stekao šest bodova prednosti u odnosu na Leverkuzen, nakon što je slavio na gostovanju Frajburgu 2:1 i iskoristio remi šampiona protiv Lajpciga u gostima 2:2.

Bavarci su prošli neugodno gostovanje i otvorili sebi put ka pobjedi. Poveli su preko Kejna u 15. minutu, da bi na startu nastavka Kim povisio na 2:0.

Sredionom drugog poluvremena Ginter je smanjio, ali su Bavarci sačuvali trijumf, peti u nizu u šampionatu.

Leverkuzen je vodio 2:0 u derbiju na "Red Bul areni" golovima Šika i Garsije, ali nije izdržao.

Lajpcig je do boda stigao preko Rauma, te autogola Tapsobe.

Vođstvo od 2:0 bilo je malo i Dortmundu protiv Verdera (pogodio Girasi, te autogol Fridl). Bod "zelenima" donijeli su Bitenkur i Dukš.

Treba reći da je Borusija od 21. minuta igrala sa igračem manje, pošto je Šloterbek napravio faul kao posljednji igrač odbrane.

Majc je nastavio sa sjanim igrama, pa je na svom terenu srušio Štutgart. Pobjedu domaćima donijeli su Vajper i Ćaći.