S.V.

Raspadori čovjek odluke: Napoli u finišu slomio otpor Venecije

Napoli je tek u finišu slomio otpor "davljenika" Venecije na svom terenu 1:0 i izjednačio se sa Atalantom na čelu tabele.

Obje ekipe imaju po 41 bod, dok je šampion Inter na 40, uz meč manje.

Napoli je očekivano dominirao od prvog do posljednjeg minuta, pokušavao na sve načine da dođe do gola. U prvom dijelu nije iskoristio ni penal.

Igrao se 37. minut, kada je jedan igrač Venecije igrao rukom u svom kaznenom prostoru, a udarac Lukakua sa 11 metara pročitao je Stanković.

Nastavio je domaćin sa napadima i u nastavku. Lukaku i Kvarachelija su propustili dobre prilike, prije nego što je rezervista Rasapdori pogodio.

On je u 80. minutu jedan odbitak smjestio u mrežu i donio tri boda Napolitancima.

Na drugoj strani, Venecija je ostala u opasnoj zoni, na pretposljednjem mjestu sa 13 bodova.