N. N.

A LIGA NACIJA (3. KOLO)

Hrvatska preokrenula protiv Škotske, pa preživjela VAR dramu

Preokretom protiv Škotske, fudbaleri Hrvatske su napravili veliki korak ka četvrtfinalu A Lige nacija.

Tim sa Ostrva je u 33. minutu stigao do vođstva na volšeban način - Ben Douk je loše centrirao, ali je Luka Sučić još gore reagovao i namjestio loptu Rajanu Kristiju, nakon čijeg je šuta Duje Ćaleta-Car zatresao svoju mrežu.

Samo tri minuta kasnije je izjednačio Igor Matanović, da bi preokret u 70. donio Andrej Kramarić - Kreg Gordon je odbranio šut Borne Sose, a na loptu je natrčao napadač Hofenhajma i glavom pogodio za 2:1.

Škotska je do kraja napadala, a najbolju šansu je propustio Če Adams, koji je na isteku 90. minutu prebacio Dominika Livakovića, ali je lopta prošla tik pored stative.

Adams je savladao Livakovića u 95. minutu, ali je bio u ofsajdu...

Ekipa Zdravka Dalića nakon tri kola ima šest bodova, koliko i Portugal (od 20.45 gostuje Poljskoj), dok je Škotska na nuli.