Luka Vlaisavljević

PREMIJER LIGA

Arsenalu trijmf na otvaranju sezone, Brajton plesao na Gudisonu

Fudbaleri Arsenala pobjedom su otvorili Premijer ligu nakon što su na svom "Emirajtsu" bili bolji od Vulverhemptona 2:0.

Fudbaleri Mikela Artete su tako nastavili sjajnu formu iz predsezone, a posebno je sjajan danas bio Kai Haverc.

Njemac je u 25 minutu iskoristio sjajan pas Bukaju Sake i glavom matirao Žozea Saa.

Mogao je Arsenal do poluvremena i da udvostruči prenost, ali Ben Vajt i Saka nisu bili precizni.

Ono što nije uspio u prvom poluvremenu, reprezentativac Engleske je efektno ispravio u drugom.

Zamijenjene uloge kod prvog gola, Haverc je proigrao Saku, a desno krilo se driblingom izbacio svog čuvara i efektno savladao portugalskog golmana.

Kai Haverc je ovom asistencijom postao drugi fudbaler Premijer lige u kalendarskoj 2024. godini sa najvećom kontibucijom golova (golovi+ asistencije). Njemac je došap do broja 16 a samo fudbaler Čelsija Kol Palmer je ispred njega sa kombinovamim brojem golova i asistencija 21.

Na ovom meču briljirao je i Vilijam Saliba (4/4) sa 100 procentnim učinkom u duelima i 100 procentnim klzećim startovima (2/2). Francuz je postao i najbrži fudblaer u istoriji Arsenala koji je stigao do 50 prvenstvenih pobjeda. U svojih 66 utakmica za Arsenal Saliba ima 50 pobjeda, 30 utakmica njegov tim nije primio gol, a on je sam postigao četiri gola.

Na Gudisonu ništa novo, barem kada je Everton u pitanju. Loši startovi su postali kao pravilo za "Karamelice", a imali su nesreću da preko puta imaju razigrani Brajton koji je imao sjajan debi za novog talentovanog njemačkog menadžera, Fabijana Hurcelera.

Momak koji ima samo 31 godinu i koji je uveo Zankt Pauli u Bundesligu, pokazao je da i pod njegovim vođstvom "galebovi" ne odustgaju od lepršavog fudbala.

Žoao Pedro je prvi testirao Džordana Pikforda, dobrim udarcem ali je pogodio prečku.

Mrežu domaćih načinje Kaoru Mitoma na pas 20-godišnjeg Jankube Minteha.

U nastavku Deni Velbek nakon greške Evertonove odbrane, uzima loptu, daje for sebi i preciznim udarcem savladao je Pikforda.

Pitanje protivnika rješeno je neposrendo poslije tog pogotka kada je dirkektni crveni karton dobio iskusni veteran Ešli Jang.

On je izgubio loptu od Mitome, ali nije mogao da se pomiri sa činjenicom i povukao je japanskog fudbalera sa leđa.

Interesantan podatak da je sa 39 godina i 39 dana bivši engleski reprezentativac postao najstariji fudbaler u istoriji Premijer lige.

Simon Adingra stavio tačku na meč pogotkom na pas Velbeka.

U ostalim mečevima:

Njukasl-Sautempton 1:0

Notingem Forest-Bornmut 1:1

Ranije danas: 

Ipsvič-Liverpul 0:2