S.V.

DOBRA FORMA KAPITENA

Novi gol Jovetića, Olimpijakos bolji od Fenera

Crnogorski reprezentativac Stevan Jovetić bio je strijelac u pobjedi svog Olimpijakosa protiv Fenerbahčea u Pireju 3:2 , u okviru prvog meča četvrtfinala Lige konferencija.

Naš as je udvostručio prednost "crveno-bijelih" u 32. minutu.

Fortunis ga je proigrao, a Jovetić je iskosa sa lijeve strane matirao gostujućeg golmana.

Prethodno je upravo Fortunis preciznim udarcem sa 20 metara doveo Olimpijakos u vođstvo u osmom minutu.

To je bio rezultat nakon prvih 45 minuta.

U nastavku, domaćin je poveo 3:0 golom Čikinja u 57. minutu, ali je nakon toga Fener bio bolji rival na terenu.

Na 3:1 smanjio je Tadić iz penala u 68. minutu, da bi u 74. Kahveči postavio konačnih 3:2.

Naš kapiten je na terenu bio do 82. minuta kada ga je zamijenio Orta.

U istom terminu, Plzen i Forentina su u Češkoj igrali bez golova.

Revanš utakmice igraju se za sedam dana u Istanbulu i Firenci.