Srđa Vuković

SERIJA A

Juve savladao Fiorentinu, vratio se na pobjednički put

Juventus je savladao Fiorentinu na svom terenu 1:0 i učvrstio se na trećem mjestu na tabeli Serije A.

"Stara" dama" je ujedno prekinula niz od četiri meča bez pobjede u šampionatu.

Trenutak odluke dogodio se u 21. minutu.

Nakon kornera sa lijeve strane, Bremer je glavom šutirao i pogodio stativu, a Gati iz neposredne blizine odbitak poslao u mrežu.

Do kraja prvog dijela Vlahoviću je poništen pogodak, nakon upotrebe VAR-a.

Srpski napadač je i u nastavku zaprijetio, ali je u posljednjem trenutku odbrana "viole" izblokirala njegov udarac iz izgledne pozicije.

Na drugoj strani, gosti su imali šanse preko Sotila i Gonzalesa, ali se rezultat nije mijenjao do kraja.

Juve je treći sa četiri boda više od Bolonje, Fiorentina je deseta sa 43.