Н.Р.

REMI U KAUNASU

Savić: Pokazali smo karakter, morali smo da sačuvamo prednost

Remi u duelu sa Litvancima teško je pao i kapitenu naše reprezentacije, Stefanu Saviću koji je nakon meča kazao da ostaje žal što nismo sačuvali prednost do kraja.

"Turbulentna utakmica gdje smo poveli, onda je Var poništio gol, pa smo primili gol, uspjeli da se vratimo, ali nas je šokirao taj gol u nadoknadi. Pričao sam i prije utakmice da će odlučivati detalji, moramo da čuvamo rezultat. Nismo uspjeli, ostaje žal, jer smo pokazali karakter, pokazali smo želju i na kraju nismo ostvarili cilj" kazao je kapiten naše reprezentacije.

Mnogo duela dobio je Savić u okršaju sa Litvanijom, a postigao je i drugi gol za našu reprezentaciju.

"Dosta fizički zahtjevna utakmica, oni dosta trče, dosta igraju na duele, duge lopte, zajedno smo svi dali sve od sebe. Trebali smo ranije da zatvorimo utakmicu, tim čuvanjem lopte, da pokušamo da ukrademo vrijeme, nismo uspjeli, idemo dalje, sve je to sport" istakao je Savić.