Ditari 12.09.2025

Ditarin e përgatiti Marash Dedvukaj

Knezheviq - kur të vendosën makineritë në Botun dhe do të fillojë ndërtimi i uzinës, do t'u kërkoj këshilltarëve të mi të largohen nga pushteti në kryeqytet

Kryetari i PDP-së, MiIlan Knezheviq, tha se ai dhe kreu i komunës së Zetës, Mihajllo Asanoviq, ngritën një padi penale kundër Millan Gazdiq, drejtor i Agjencisë për Mbrojtjen e Mjedisit. Ai njoftoi në një konferencë për shtyp se ndërtimi i planifikuar i kolektorit në Botun kërcënon shëndetin e 16,000 banorëve të Zetës. Ai theksoi se Agjencia për Mbrojtjen e Mjedisit, duke dhënë pëlqimin për studimin mbi ndërtimin e kolektorit, injoroi fakte të rëndësishme dhe vendimtare."Pjesë të degës ekzekutive, ekologë që në fakt janë të gjithanshëm, anëtarë të korruptuar të komisionit dhe manjatë ndërtimi janë gati të sakrifikojnë 16,000 qytetarë të Zetës. Ata duan të përjashtojnë ndikimin e Kombinatit të Aluminit në lidhje me kolektorin e planifikuar. Duke dëgjuar Sasha Mujoviq, rezulton se kolektori do të jetë në formën e një droni, se nuk do të jetë pranë pellgut të baltës së kuqe dhe se nuk do të jetë në tokë", tha Knezheviq. Siç nënvizoi ai, ky është vazhdimi i gjenocidit ekologjik. Knezheviq lexoi raportet e autoriteteve shtetërore mbi ndikimin e Kombinatit të Aluminit në shëndetin e njerëzve dhe mjedisin në Zetë. Knezheviq theksoi poashtu se "Në momentin kur të vendosën makineritë në Botun dhe do të fillojë ndërtimi i uzinës, do t'u kërkoj këshilltarëve të mi të largohen nga pushteti në kryeqytet. Siç pretendon ai, ai nuk do të largohet nga qeveria. "Sa i përket qeverisjes në nivel shtetëror, ne nuk do ta braktisim atë, sepse me 4 deputetë në Parlament, kemi një ndikim të madh", tha Knezheviq.

Kongresmenët republikanë dhe demokratë paraqitën një rezolutë duke i kërkuar Presidentit të SHBA-së Donald Trump dhe Sekretarit të Shtetit Marco Rubio të mbështesin pranimin e Malit të Zi në Bashkimin Evropian

Kongresmenët republikanë dhe demokratë paraqitën një rezolutë duke i kërkuar Presidentit të SHBA-së Donald Trump dhe Sekretarit të Shtetit Marco Rubio të mbështesin pranimin e Malit të Zi në Bashkimin Evropian. Rezoluta u përgatit nga kongresmenët Mike Turner dhe Shelly Pingree, të cilët u bëjnë thirrje Trump dhe Rubio të bashkëpunojnë ngushtë me Qeverinë e Malit të Zi. "Ne i bëjmë thirrje Presidentit dhe Sekretarit të Shtetit të bashkëpunojnë ngushtë me Qeverinë e Malit të Zi", thuhet në propozimin e rezolutës, në të cilën Radio Evropa e Lirë (RSE) kishte qasje.Rezoluta u përgatit nga kongresmenët, republikani Mike Turner dhe demokratja Shelly Pingree. Në mesin e korrikut, ajo iu dërgua Komitetit të Punëve të Jashtme të Dhomës së Përfaqësuesve për shqyrtim. Ish-kreu i diplomacisë malazeze dhe ambasadori në Uashington, Srgjan Darmanoviq, për RSE vlerëson se mbështetja e rezolutës do të ishte logjike për dy arsye - sepse Mali i Zi është një aleat në NATO dhe sepse Shtetet e Bashkuara mbështesin politikën e zgjerimit. “Çdo gjë që vjen nga Uashingtoni - pavarësisht se për cilën administratë bëhet fjalë - është gjithmonë e rëndësishme për çështjet evropiane. Edhe pse SHBA-të nuk kanë një zë të drejtpërdrejtë në çështjet e zgjerimit të BE-së, kjo politikë nuk ka ndryshuar”, thekson ai.

Krapoviq dhe Grenell - Hapat njëanshëm të aktorëve politikë dhe mungesa e dialogut mund të çojnë në destabilizim në rajonin e Ballkanit Perëndimor

Hapat njëanshëm të aktorëve politikë dhe mungesa e dialogut mund të çojnë në destabilizim në rajonin e Ballkanit Perëndimor, është konkluduar në takimin e ministrit të Mbrojtjes, Dragan Krapoviq, me dërguarin e posaçëm të presidentit të SHBA për misionet speciale, Richard Grenell, në Uashington." Gjatë takimit u diskutua për sfidat aktuale të sigurisë me fokus në rajonin e Ballkanit Perëndimor. Biseduesit vlerësuan se hapat njëanshëm të aktorëve politikë dhe mungesa e dialogut mund të çojnë në destabilizim në rajon dhe theksuan se çështjet e hapura duhet të zgjidhen në tavolinë dhe në frymën e vullnetit të mirë', thuhet në njoftim. Ministri Krapoviq theksoi se një nga prioritetet e politikës së jashtme të Qeverisë së Malit të Zi është forcimi i marrëdhënieve të mira fqinjësore mbi parimin e respektit të ndërsjellë. Ai shtoi se Mali i Zi e vlerëson jashtëzakonisht shumë përpjekjet e administratës amerikane për forcimin e bashkëpunimit rajonal dhe përfundoi se perspektiva evropiane e Ballkanit Perëndimor është garanti i vetëm i stabilitetit të qëndrueshëm të këtij rajoni', thanë nga Ministria e Mbrojtjes. Dërguari i Posaçëm Grenel tha se vetëm me vullnetin e qartë politik të të gjitha subjekteve në rajon mund të arrihet normalizimi i marrëdhënieve. Ai shtoi se SHBA vlerësojnë rolin e Malit të Zi si një anëtar të besueshëm të NATO-s dhe përshëndeti rezultatet që Qeveria ka arritur në rrugën e integrimeve evropiane', thuhet në njoftim.

Milisav Raspopoviq, i ka dorëzua letrat kredenciale Mbretit Wilhelm Alexander

Ambasadori i Malit të Zi në Mbretërinë e Holandës, Milisav Raspopoviq, i ka dorëzua letrat kredenciale Mbretit Wilhelm Alexander, duke marrë zyrtarisht detyrën e Ambasadorit të Jashtëzakonshëm dhe Fuqiplotë në këtë vend, njoftoi Ministria e Punëve të Jashtme."Mbreti Wilhelm Alexander tregoi njohuri të mira të situatës politike në Mal të Zi dhe shprehu një interes të veçantë për situatën aktuale politike, dinamikën e reformave dhe hapat e mëtejshëm në procesin e integrimit evropian", deklaron Ministria. Raspopoviq theksoi se Mali i Zi mbetet i vendosur në qëllimin e tij për t'u bërë anëtari i ardhshëm i Bashkimit Evropian dhe se për këtë qëllim është i përkushtuar për zbatimin e reformave dhe arritjen e rezultateve më të mira. Në emër të Presidentit të Malit të Zi, ambasadori i dërgoi një ftesë Mbretit Wilhelm Alexander për të vizituar Malin e Zi, duke theksuar se një vizitë e tillë do të kishte rëndësi të veçantë për marrëdhëniet dypalëshe dhe do të forconte më tej lidhjet miqësore midis dy vendeve dhe popujve tanë. "Mbreti e priti me kujdes ftesën dhe tregoi hapjen e tij për të diskutuar këtë mundësi në periudhën e ardhshme përmes kanaleve të rregullta diplomatike dhe protokollare.

Nga fillimi i majit deri në fund të gushtit, inspektorët tatimorë kanë kryer 3.123 kontrollime të rregullshmërisë së veprimtarisë së tatimpaguesve

Nga fillimi i majit deri në fund të gushtit, inspektorët tatimorë kanë kryer 3.123 kontrollime të rregullshmërisë së veprimtarisë së tatimpaguesve dhe kanë identifikuar shkelje tek 567 tatimpagues. Për këtë arsye janë lëshuar 752 urdhra shkelje me gjobë në vlerën e 2.3 milionë eurove. Detyrimi nga gjobat e shqiptuara ka arritur në 1.9 milionë euro, nga të cilat janë paguar 881.2 mijë euro ose 47.4%," thuhet në njoftimin. "Drejtoria e Tatimeve, siç theksohet, vazhdimisht monitoron rregullshmërinë e veprimtarisë së tatimpaguesve përmes kontrolleve të kontabilitetit të gjithanshëm të tatimpaguesve dhe kontrollimeve të segmenteve të caktuara të veprimtarisë, me qëllim sigurimin e një mjedisi të ligjshëm dhe transparent për biznesin. Nga Drejtoria është njoftuar se për tatimpaguesit tek të cilët identifikohen shkelje të veprimtarisë, inspektorët tatimorë aplikojnë masat e parashikuara me ligj, nga lëshimi i urdhërave për shkelje deri tek shqiptuarjen e ndalesave të përkohshme për ushtrimin e veprimtarisë dhe mbylljen e objekteve. Ata theksojnë se sezona verore e turizmit u shënua nga kontrollime të shtuara të ofruesve të akomodimit privat, duke u kryer 200 kontrollime që nga fillimi i sezonit dhe u identifikuan 103 shkelje tek ofruesit e akomodimit, të cilëve iu shqiptuar gjoba në vlerën prej 213 mijë eurosh. Ata njoftojnë se inspektorët tatimorë do të vazhdojnë të zbatojnë rregullisht kontrollet në përputhje me Ligjin për administratën tatimore, me qëllim të luftimit të ekonomisë informale, forcimin e disiplinës tatimore dhe mbrojtjen e interesit publik.

Policia, në kuadër të aksionit 'Lockdown', ka paraqitur akuza penale kundër një kompanie dhe dy personave për dyshimin se kanë  mashtruar Fondin për Punësimin e Personave me Aftësi të Kufizuara

Policia, në kuadër të aksionit 'Lockdown', ka paraqitur akuza penale kundër një kompanie dhe dy personave për dyshimin se, përmes denoncimeve të rreme, kanë mashtruar Fondin për Punësimin e Personave me Aftësi të Kufizuara për të marrë ndihma financiare në mënyrë të paligjshme." "Sipas dyshimeve për kryerjen e veprave penale mashtrimi me kohëzgjatje të vazhduar dhe falsifikimi i dokumenteve me kohëzgjatje të vazhduar, është paraqitur akuza penale kundër personit juridik 'M' sh.p.k. Bijelo Polje, themeluesit dhe drejtorit ekzekutiv D.M. (54) dhe kontabilistit – libri-shkrues B.M. (46)", njoftoi Drejtoria e Policisë (UP). Gjatë hetimit u konstatua se të dyshuarit nga firma 'M' sh.p.k. nga Bijelo Polje, drejtor i saj D.M. dhe kontabilisti B.M., nga viti 2022 deri në vitin 2025, kanë paraqitur të dhëna të rreme dhe kanë dërguar ekstrakte bankare të falsifikuara për pagesat e pagave për pesë persona të punësuar fiktiv.

Koprivica, i ka uruar Ninës Ofner Bokan rizgjedhjen si presidente e Bashkësisë Hebraike në Malin e Zi

"Zëvendëskryeministri i Qeverisë së Malit të Zi, Momo Koprivica, i ka uruar Ninës Ofner Bokan për rizgjedhjen si kryetare e Bashkësisë Hebraike në Malin e Zi. Në mesazhin e tij të urimit, ai theksoi se bashkësia hebraike në Malin e Zi, me trashëgiminë e saj të gjatë dhe të pasur, si dhe me pjesëmarrjen e saj aktive në jetën shoqërore të vendit tonë, paraqet një shtyllë të çmuar të multikulturalizmit dhe një urë bashkëpunimi ndërmjet popujve dhe besimeve." "Koprivica theksoi se angazhimi i Ninës Ofner Bokan për ruajtjen e traditës, kultivimin e respektit të ndërsjellë dhe kontributi i saj në ndërtimin e një shoqërie të bazuar në tolerancë dhe solidaritet, është një shembull të çmuar që na obligon të gjithëve." Kontributi juaj në përmirësimin e harmonisë ndërfetar dhe kohezionit shoqëror krijon bindjen e fortë se edhe në të ardhmen do të punojmë së bashku për forcimin e vlerave që na bashkojnë. Me këtë rast, ju uroj edhe për zgjedhjen e fundit si nënkryetare e Kongresit Botëror Hebre, një nder i madh dhe një mirënjohje jo vetëm për ju dhe bashkësinë fetare që përfaqësoni, por edhe për të gjithë Malin e Zi," ka shtuar zëvendëskryeministri Koprivica

SHBA-ja pezullon dialogun e planifikuar strategjik me Kosovën shkaku i veprimeve të Qeverisë

Shtetet e Bashkuara të Amerikës e kanë pezulluar për një kohë të pacaktuar dialogun e planifikuar strategjik me Kosovën, për shkak të shqetësimeve lidhur me veprimet e Qeverisë në detyrë, njoftoi sot Ambasada amerikane në Prishtinë. Në një njoftim në Facebook, Ambasada tha se veprimet e Qeverisë së udhëhequr nga kryeministri në detyrë, Albin Kurti, kanë “rritur tensionet dhe paqëndrueshmërinë, duke kufizuar aftësinë e Shteteve të Bashkuara për të punuar në mënyrë produktive me Kosovën mbi prioritetet e përbashkëta”. Kosova dhe SHBA-ja pritej ta finalizonin dialogun strategjik këtë vit, pasi presidentja e Kosovës, Vjosa Osmani, pat njoftuar në janar për arritjen e një marrëveshjeje mes dy vendeve për një dialog të tillë. Ambasada amerikane ka njoftuar sot se dialogu strategjik ishte menduar për t'i forcuar lidhjet ekonomike dhe diplomatike në të mirë të popullit amerikan dhe atij kosovar. “Fatkeqësisht, veprimet dhe deklaratat e fundit të kryeministrit në detyrë Kurti kanë paraqitur sfida për progresin e arritur ndër vite”, tha ajo. Ajo tha se SHBA-ja shpreson që këto përpjekje të vazhdojnë në të ardhmen, “kur kushtet të jenë të përshtatshme”.

Arrestohet një person i cili dyshohet se ka kryer veprën penale të krimeve të luftës kundër popullatës civile në Kosovë

Autoritetet në Kosovë njoftuan se është arrestuar një person i cili dyshohet se ka kryer veprën penale të krimeve të luftës kundër popullatës civile në Kosovë. Prokuroria Speciale e identifikoi të arrestuarin me inicialet R.D., por nuk dha hollësi të tjera për këtë rast. "R.D. është ndaluar nën dyshimin për krime lufte kundër popullsisë civile, të kryera gjatë periudhës së luftës në Kosovë", tha Prokuroria Speciale. Ky institucion shtoi se së bashku me Policinë e Kosovës po ndërmerr të gjitha veprimet e nevojshme hetimore për këtë rast. Së voni, Prokuroria Speciale ka ngritur disa akuza për krime që janë kryer gjatë luftës më 1998-99. Në gusht, ajo madje ka dorëzuar në gjykatë një aktakuzë në mungesë kundër 21 të dyshuarve për dëbimin me forcë të më shumë se 800 mijë civilëve shqiptarë nga Kosova gjatë luftës. Që nga përfundimi i luftës, dhjetëra persona janë dënuar për krime lufte para institucioneve vendore dhe ndërkombëtare…

James Rubin thotë se do të jetë dëshmitar në mbrojtjen e Thaçit

James Rubin, i cili gjatë kohës së luftës në Kosovë ka qenë ndihmësekretar amerikan i Shtetit, tha se javën e ardhshme do të dëshmojë para Dhomave të Specializuara në Hagë - ku ish-presidenti Hashim Thaçi, ish-kryeparlamentarët Kadri Veseli dhe Jakup Krasniqi, dhe ish-deputeti i Kosovës, Rexhep Selimi, akuzohen për krime lufte dhe krime kundër njerëzimit. Mbrojtja e ish-krerëve të UÇK-së, të cilët mohojnë akuzat, nis paraqitjen e provave dhe dëshmitarëve më 15 shtator. “Do të jem në Evropë sepse javën e ardhshme do të jap dëshmi në Tribunalin special për krime lufte në Kosovë dhe si dikush që i ndihmoi [ish-kryediplomates së ndjerë amerikane] Madeleine Albrightit në themelimin e Tribunalit fillestar për krime lufte. Kjo nënkupton se do të kthehem përsëri në fillim dhe kam më shumë për të thënë për këtë javën e ardhshme”, tha Rubin për emisionin "Christiane Amanpour Presents. Rubin, i cili ishte një figurë e rëndësishme gjatë luftës në Kosovë, në një intervistë për Radion Evropa e Lirë dhënë më 2023, kishte folur për qëndrimin e Shteteve të Bashkuara për UÇK-në. “Në ditët e para, para se të dija shumë për të, ne i kishim dënuar aktivitetet terroriste që ishin kryer nga grupet shqiptare. Por, me evoluimin e procesit të paqes, UÇK-ja u bë qendra e atij procesi të paqes dhe ishte Hashim Thaçi, në bisedimet e Rambujesë, ai që mori vendimin e guximshëm për të rënë dakord me Marrëveshjen e Rambujesë. Dhe, ky ishte vendimi që lejoi NATO-n t'i mbështeste shqiptarët e Kosovës. Po të mos ishte marrë ai vendim, nuk mendoj se do të rrinim kaq të lumtur dhe të lirë në një qytet modern evropian këtu në Prishtinë. Sipas tij, UÇK-ja luajti rol vendimtar në marrëveshjet që u nënshkruan nga krerët e saj dhe në zbatimin e çmilitarizimit pas përfundimit të luftës.

Vuçiq – Parada ushtarake është një dëshirë e jona për të shënuar një festë kombëtare dhe për të treguar se sa shumë ka përparuar ushtria

Presidenti i Serbisë, Aleksandar Vuçiq, tha se parada ushtarake në Beograd nuk ka të bëjë fare me ngjarje të ditës, siç pretendojnë disa përfaqësues të opozitës.“Është një dëshirë e jona për të shënuar një festë kombëtare dhe për të treguar se sa shumë ka përparuar ushtria. Njerëzit të shohin se në çfarë kemi investuar para dhe sa më e fortë është Serbia se dje. Të shohin se mund të ndihen të sigurt”, tha Vuçiq më 12 shtator. Parada e Ushtrisë së Serbisë, e quajtur “Forca e Unitetit”, do të mbahet më 20 shtator. Ajo vjen në kohën kur Serbia përballet me protesta masive antiqeveritare, të nxitura nga vdekja e 16 personave në një aksident në Novi Sad, dhjetë muaj më parë. Një pjesë e publikut në Serbi, e udhëhequr nga partitë opozitare, është indinjuar nga organizimi i paradës ushtarake. Ajo vlerëson se Vuçiq dëshiron “të demonstrojë forcën” në kohën e një polarizimi të madh në shoqëri.

Bajram Begaj e ka dekretuar Edi Ramën si Kryeministër

Presidenti Bajram Begaj ka dekretuar Edi Ramën si Kryeministër, duke e mandatuar për formimin e qeverisë së re.Rama mbërriti në Presidencë mesditën e sotme . Me dekretin nr. 331, presidenti Begaj i dha kryeqeveritarit edhe përgjegjësinë për ngritjen e Ministrit të parë Virtual të krijuar nga Inteligjenca Artificiale (AI), “Diella”. “Diella” është risi në politikë dhe do të merret me prokurimet publike, për ta bërë procesin e tenderimit “të pakorruptueshëm”, tha një ditë më parë kryeministri Rama gjatë prezantimit të kabinetit të ri. Me mandatimin e Kryeministrit, Presidenti do të nxjerrë dekretet individuale për secilin nga ministrat. Më pas, pas seancës së votëbesimit në Parlament, në ditët e ardhshme do të zhvillohet ceremonia e betimit të qeverisë. Qeveria u bë publike një ditë më parë gjatë Asamblesë së PS-së. Përbërja e saj ka pësuar ndryshime të rëndësishme, me disa rikonfirmime, largime nga postet ministrore, si dhe emra të rinj. Për herë të parë në historinë e vendit, Ministria e Brendshme do të drejtohet nga në grua, Albana Koçiu. Ndërkohë, Turizmi dhe Sporti do të bashkohen në një ministri me Kulturën, ndërsa Mjedisi është ndarë si ministri në vete.

Rusia thotë se tha se ka rrëzuar 221 dronë ukrainas gjatë natës

Rusia tha se ka rrëzuar 221 dronë ukrainas gjatë natës – një nga shifrat më të larta të fluturakeve të rrëzuara që kur ka nisur lufta mes dy shteteve mbi tre vjet më parë. Ministria ruse e Mbrojtjes tha më 12 shtator se sistemet e mbrojtjes ajrore “kanë penguar dhe shkatërruar” dronët, mbi gjysma e të cilëve fluturuan mbi rajonet e Brjanskut dhe Smolenskut. Në mesin e fluturakeve të rrëzuara përfshihen edhe 28 avionë, që Rusia tha se i rrëzoi mbi rajonin e Leningradit. Guvernatori i Leningradit, Aleksandr Drozdenko, tha se shpërtheu një zjarr në një anije në portin e Primoskut, në Detin e Zi, pas sulmeve me dronë në këtë rajon. Sulmet vijnë pasi Polonia, që gjendet në kufi me Ukrainën, më herët gjatë javës tha se kishte rrëzuar dronë rusë që hynë në hapësirën e saj ajrore.

Kryediplomati polak në Kiev për bisedime të sigurisë

Ministri i Jashtëm i Polonisë qëndron sot në Kiev, për bisedime të sigurisë, mbas disa ditëve kur në hapësirën ajrore të Polonisë u futën dronë rusë, ngjarje që nxiti shqetësime se pushtimi rus i Ukrainës mund të përhapet në shtete të tjera. Ministri i Jashtëm ukrainas, Andriy Sybiha, publikoi fotografi të takimit të tij me homologun polak, Radoslaw Sikorski, në një stacion treni në Kiev. “Në dritë të përshkallëzimit të terrorit të Rusisë kundër Ukrainës dhe provokimeve kundër Polonisë, ne qëndrojmë të bashkuar”, shkroi Sybiha në rrjetet sociale. “Do të zhvillojmë bisedime të rëndësishme për sigurinë tonë të përbashkët, anëtarësimin e Ukrainës në Bashkimin Evropian dhe NATO si dhe për presionin ndaj Moskës”, shtoi ai. Polonia dhe aleatët e saj të NATO-s rrëzuan dronë rusë që hynë në hapësirën ajrore polake të mërkurën, për herë të parë që kur Rusia nisi pushtimin e Ukrainës në vitin 2022. Moska ka mohuar se ka shënjestruar Poloninë.

Hetuesit kërkojnë ndihmën e publikut për kapjen e dorasit të Kirkut

Hetuesit që po kërkojnë personin e dyshuar për vrasjen e aktivistit konservator amerikan, Charlie Kirk, kanë kërkuar ndihmën e publikut për kapjen e tij. Kirk, 31-vjeçar, aleat i presidentit amerikan, Donald Trump, u qëllua për vdekje teksa po i adresohej një turme në një universitet në Utah. Qindra agjentë nga 20 agjenci të zbatimit të ligjit janë duke mbledhur të dhëna për të identifikuar të dyshuarin, por gjatë një konference për media të enjten mbrëma, autoritetet i bënë thirrje publikut për ndihmë. “Nuk mund ta bëjmë punën tonë pa ndihmën e publikut”, tha guvernatori i Utahs, Spencer Cox për gazetarët, duke shtuar se kanë pranuar më shumë se 7.000 informacione për këtë rast. “Na duhet sa më shumë ndihmë. Çdo video apo fotografi që mund të keni, duhet të na e dërgoni”. Policia amerikane beson se sulmuesi qëlloi vetëm një plumb nga një çati rreth 180 metra larg nga vendi ku ishte Kirk, duke e goditur atë në qafë. Një video e publikuar gjatë konferencës për media shfaqi një person duke vrapuar mbi çatinë e universitetit, më pas duke kërcyer në tokë dhe duke u larguar nga kampusi drejt disa pemëve – ku u gjet një pushkë.

Gjykata Supreme e Brazilit e ka dënuar ish-presidentin Jair Bolsonaro, me 27 vjet burgim

Gjykata Supreme e Brazilit e ka dënuar ish-presidentin Jair Bolsonaro, me 27 vjet burgim nën akuzat se kishte planifikuar një grusht shtet me qëllim që të qëndronte në pushtet pas humbjes në zgjedhje. Gjykatësit votuan 4 me 1 për të dënuar Bolsonaron, 70 vjeç, për planifikim të rrëzimit të Luiz Inacio Lula da Silva, pasi humbi zgjedhjet ndaj tij më 2022. Prokurorët kanë thënë se plani dështoi pasi nuk u mbështet nga udhëheqësit kryesorë të ushtrisë. Ekipi mbrojtës i Bolsonaros tha se dënimi “është jashtëzakonisht i rëndë”, duke paralajmëruar se do ta apelojë, “përfshirë në nivele ndërkombëtare”. Washingtoni reagoi menjëherë. Sekretari amerikan i Shtetit, Marco Rubio, tha se SHBA-ja “do të përgjigjet në mënyrën e duhur” për atë që ai e cilësoi si “gjueti shtrigash” të motivuar politikisht.  Ministria e Jashtme e Brazilit u kundërpërgjigj duke thënë se nuk frikësohet nga “kërcënimet” e Rubios. Gjykata Supreme e Brazilit e ka dënuar ish-presidentin Jair Bolsonaro, me 27 vjet burgim nën akuzat se kishte planifikuar një grusht shtet me qëllim që të qëndronte në pushtet pas humbjes në zgjedhje. Gjykatësit votuan 4 me 1 për të dënuar Bolsonaron, 70 vjeç, për planifikim të rrëzimit të Luiz Inacio Lula da Silva, pasi humbi zgjedhjet ndaj tij më 2022. Prokurorët kanë thënë se plani dështoi pasi nuk u mbështet nga udhëheqësit kryesorë të ushtrisë. Ekipi mbrojtës i Bolsonaros tha se dënimi “është jashtëzakonisht i rëndë”, duke paralajmëruar se do ta apelojë, “përfshirë në nivele ndërkombëtare”. Uashingtoni reagoi menjëherë. Sekretari amerikan i Shtetit, Marco Rubio, tha se SHBA-ja “do të përgjigjet në mënyrën e duhur” për atë që ai e cilësoi si “gjueti shtrigash” të motivuar politikisht. Ministria e Jashtme e Brazilit u kundërpërgjigj duke thënë se nuk frikësohet nga “kërcënimet” e Rubios.

Nesër mot i ngjashëm me të sotmin

Sot në Mal të Zi mban mot kryesisht me diell. Frynë erë  e dobët deri e mesme, nga drejtimet  e ndryshme. Temperaturat në orën 14:00: Podgoricë, H. Novi dhe Budvë 29, Tivar e Ulqin 28, Cetinë, Nikshiq dhe Rozhajë 26, Plevle, Pluzhinë e Guci 24, Kollashin e Berane 23, Andrijevicë e Shavnik 22, B. Pole 21 dhe Zhabljak 20 gradë. Për nesër metereologët parashohin të mbajë mot kryesisht me diell. Në veri, në mëngjes, mjegull dhe vranësira kalimtare. Do të fryjë erë kryesisht e dobët, nga drejtimet e ndryshme. Temperatura e mëngjesit do të sillet prej 8 deri në 20, kurse   më e larta e ditës prej 22 deri në 31 gradë c.