Ditari 27.03.2025

Ditarin e përgatiti, Marash Dedvukaj

Këshilli Parlamentar për Reformën Gjithëpërfshirëse Zgjedhore rifilloi punën pas pauzës tre mujore

Këshilli Parlamentar për Reformën Gjithëpërfshirëse Zgjedhore rifilloi punën pas pauzës tre mujore. Sot është diskutuar Projektligji për ndryshimin dhe plotësimin e Ligjit për financimin e subjekteve politike dhe fushatave zgjedhore. Poashtu është miratuar vendimi për mbajtjen e takimi të grupit punues më 9 prill, në të cilin do të prezantohen të gjitha sugjerimet nga sektori i organizatave joqeveritare dhe bashkësisë akademike e pastaj të hartohet një draft i cili do të dorëzohej në debat publik. “Jam i sigurt se në atmosferën dinamike zgjedhore në Mal të Zi do të kemi gjithmonë marrëdhënie të turbullta, por u bëj thirrje deputetëve si nga pozita ashtu edhe nga opozita që të mos bllokojnë punën e mëtejshme dhe asgjë nga jashtë të mos ndikojë në punën e këtij Këshilli”, ka theksuar Çarapiq. Ai u bëri thirrje deputetëve që të mblidhen rreth agjendës evropiane.

M. Spajiq - Mali i Zi dhe Kroacia do t'i zgjidhin të gjitha çështjet e hapura në mënyrë miqësore dhe konstruktive

Mali i Zi dhe Kroacia do t'i zgjidhin të gjitha çështjet e hapura në mënyrë miqësore dhe konstruktive dhe do të përdorin potencialin e tyre për thellimin e bashkëpunimit ekonomik. Kështu është bërë e ditur në takimin e kryeministrit të Malit të Zi, Millojko Spajiq, me presidentin e Kroacisë, Zoran Millanoviq, në Podgoricë. “Kjo është një vizitë shumë e rëndësishme për Malin e Zi dhe është treguesi më i mirë i gatishmërisë së vendeve tona për të përmirësuar marrëdhëniet e ndërsjella dhe për të zgjidhur të gjitha çështjet e hapura me një ton miqësor”, tha Spajiq, njoftoi qeveria. Thuhet se Spajiq e ka informuar Millanoviqin për progresin dhe arritjet e Malit të Zi në fushën ekonomike, si dhe për aktivitetet intensive të vendit në procesin e integrimit evropian. "Kroacia, si fqinji ynë i ngushtë dhe anëtar i Bashkimit Evropian, është një partner i rëndësishëm për ne në rrugën e vendit drejt integrimit evropian. Unë jam mirënjohës për fjalët e mbështetjes dhe kam besim se mbyllja e kapitujve të negociatave të Malit të Zi me BE-në do të shkojë sipas planit", theksoi Spajiq.

Zoran Millanoviq - nuk besoj se çështja e hapur e pronësisë së anijes trajnuese "Jadran" mund të jetë pengesë në rrugën e Malit të Zi drejt Bashkimit Evropian

Presidenti kroat Zoran Millanoviq tha se nuk beson se çështja e hapur e pronësisë së anijes trajnuese "Jadran" mund të jetë pengesë në rrugën e Malit të Zi drejt Bashkimit Evropian (BE). Millanoviq dhe presidenti malazez Jakov Millatoviq mbajtën sot një ligjëratë para studentëve të Fakultetit të Shkencave Politike me temën “Zgjerimi i BE-së si imperativ gjeopolitik”. Duke iu përgjigjur pyetjes nëse sheh hapësirë ​​për arritjen e një marrëveshjeje dypalëshe ndërmjet Malit të Zi dhe Kroacisë për çështjen e anijes "Jadran" dhe nëse moszgjidhja e kësaj çështje mund të prishë rrugën evropiane të Malit të Zi, Millanoviq theksoi se pushteti ekzekutiv nuk ka më autoritet dhe nuk vendos për çështje të tilla. "Nuk dua të shkaktoj konfuzion. Nëse nuk mund të ndihmoj, nuk dua të jem i pafuqishëm. Qëndrimi i palës kroate është se duhet t'i takojë Kroacisë," tha Milanoviq. Ai tha se nuk beson se diçka e tillë mund të jetë pengesë në rrugën e Malit të Zi drejt BE-së. Millatoviq tha se ai dhe Millanoviqi edhe përkundër një kohë të marrëdhënieve të tensionuara mes Malit të Zi dhe Kroacisë, arritën të dërgojnë një mesazh të rëndësishëm – mesazhin e dialogut të nevojshëm, miqësisë, respektit të ndërsjellë dhe fqinjësisë së mirë.

Marta Kos - Zgjerimi i Bashkimit Evropian (BE) tani është një çështje gjeopolitike

Zgjerimi i Bashkimit Evropian (BE) tani është një çështje gjeopolitike, jo më vetëm një proces teknik, tha Komisionerja Evropiane për Zgjerim Marta Kos, duke thënë se Mali i Zi mund të përfundojë negociatat deri në fund të vitit 2026. Në një intervistë për Radio 1 të Radio Televitije të Sllovenisë, Kos tha se kjo është hera e parë që negociatat në luftë me Ukrainën po përpiqen të ndërhyjnë me një vend të jashtëm. Ajo vlerësoi se BE-ja sot duhet t'i përgjigjet edhe çështjeve të sigurisë, mbrojtjes dhe stabilitetit global. Kos beson se Serbia është në stagnim në rrugën e saj evropiane dhe se protestat tregojnë se populli dëshiron ndryshim.“Biseda me presidentin serb Aleksandar Vuçiq ishte e vështirë, por e nevojshme – e fokusuar në reformën zgjedhore dhe mediatike”, tha Kos. Ajo ka theksuar se Vuçiq ka premtuar se do t'i përmbush obligimet e tij, por se BE-ja është në pritje të hapave konkretë. Kos theksoi se nuk ka me kë tjetër për të negociuar në Serbi për momentin përveç me Vuçiqin.

Nimanbegu - me pranimin e projektit nga kompania arabe e biznesmenit Mohammed Alabar në zonën e Plazhit të Madh, lind pyetja për pjesëmarrjen tonë të mëtejshme në Qeverinë e Malit të Zi

Me pranimin e projektit të një investimi shumëmilionësh nga kompania arabe e biznesmenit Mohammed Alabar në zonën e Plazhit të Madh, lind pyetja për pjesëmarrjen tonë të mëtejshme në Qeverinë e Malit të Zi. Kështu ka bërë të ditur sot kryetari i Komunës së Ulqinit, Genci Nimanbegu, në seancën e re të jashtëzakonshme të Kuvendit të Komunës së Ulqinit. Këshilltari nga Aleanca Shqiptare, Fitim Dragaj, tha se ky projekt nuk është investim por shkatërrim i Plazhit të Madh. "Unë po i them Spajiqit që nëse nuk mund të gjejë një investues të mirë për Ulqinin dhe nëse dëshiron të investojë, atëherë duhet të investojë në infrastrukturë. Ulqini nuk ka nevojë për investimin e Allabarit. Kjo çon në zhdukjen e qytetit, në zbatimin e strukturës së popullsisë", theksoi Dragaj. Besart Hoxha, deputet i URA-s, tha se kjo qeveri është po aq antiulqinake sa edhe kryeministri. “Çdo parti pjesëmarrëse në Qeveri është kundër Ulqinit dhe i bëj thirrje që ta kenë të qartë se ne nuk jemi për shitjen e Ulqinit, jemi ngopur me interesa politike, poste ministrore, duartrokasim njeriun që po shet Ulqinin”, tha Hoxha. Derisa Driton Salaj, nga Lidhja Demokratike në Mal të Zi, në seancën e Kuvendit vendor deklaroi se Lidhja është gjithmonë për investime, por për ato që mbështeten në dokumentacionin e zhvillimit të qëndrueshëm dhe planifikues dhe sigurisht jo për investimet që kryeministri i nënshkruan me marrëveshje, sepse sipas tij janë të dëmshme për komunën e Ulqinit.

Ministria e Shëndetësisë, përmes programit Interreg Europe, i është bashkuar projektit ndërkombëtar FABCOM

Ministria e Shëndetësisë, përmes programit Interreg Europe, i është bashkuar projektit ndërkombëtar FABCOM, me qëllim sigurimin e një niveli të lartë të kujdesit shëndetësor për të gjithë qytetarët, veçanërisht për grupet vulnerabël dhe popullsinë në zonat rurale. Ministria bëri të ditur se projekti FABCOM/Kujdes me bazë në familje dhe në komunitet/ zgjat 36 muaj dhe përfshin tre faza – përgatitorja 12 muaj , implementimti që zgjatë 21 muaj dhe faza përmbyllëse e cila zgjhatë 3 muaj. Është thënë se Ministria iu bashkua këtij projekti ndërkombëtar me qëllim të përmirësimit të politikave dhe strategjive në fushën e ofrimit të shërbimeve të kujdesit të përbashkët. “FABCOM përfaqëson mbështetje për iniciativën e Ministrisë së Shëndetësisë për të ofruar një nivel të lartë të kujdesit shëndetësor për të gjithë qytetarët, veçanërisht për grupet vulnerabël dhe popullsinë në zonat rurale”, thuhet në deklaratë.

Bato Dragojeviq, ka ndërruar jetë në moshën 61-vjeçare

Bashkëpunëtori dhe redaktori i programit kulturo-artistik të Radios së Malit të Zi, Boris Bato Dragojeviq, ka ndërruar jetë në moshën 61-vjeçare. Pothuajse gati një dekadë, regjisori Dragojeviq ishte bashkëpunëtor dhe redaktor në programin kulturor-artistik të RMZ. Pas përfundimit të shkollimit në vendlindjen e tij në Titograd, Bato Dragojeviq përmbushi dëshirat dhe ambiciet e tij rinore duke u diplomuar për regji në Akademinë e Arteve të Beogradit në klasën e profesor Sava Mrmkos. Ai ishte i angazhuar në disa media në vendin tonë. Dikur ka punuar edhe në “kanalin e tretë” të Televizionit të Malit të Zi. Përmbushjet krijuese dhe njerëzore i ka arritë në Radion e Malit të Zi si autor i emisioneve tematike "Profesioni im është..." dhe veçanërisht "Portreti i një artisti". Dragojeviq do të mbahet mend për dramat e tij radiofonike dhe kontributin e tij të jashtëzakonshëm në rikthimin e programeve dramatike në valët e Radios së Malit të Zi.

Osmani kërkon përsëri heqjen e masave ndaj Kosovës në takim me ambasadorët e BE-së

Presidentja e Kosovës, Vjosa Osmani, ka kërkuar përsëri nga Bashkimi Evropian (BE) t’i heqë masat “e padrejta” ndaj Kosovës, gjatë një takimi të djeshëm me ambasadorët e vendeve të bllokut evropian në Prishtinë. “Theksova urgjencën e largimit të masave të padrejta ndaj Kosovës, që dëmtojnë qytetarët tanë dhe cenojnë vet parimet e BE-së”, shkroi Osmani në Facebook. BE-ja vendosi masa ndëshkuese ndaj Kosovës në vitin 2023 - pas rritjes së tensioneve në veri të vendit – dhe vazhdon t’i mbajë ato në fuqi me arsyetimin se Kosova nuk ka bërë ende mjaftueshëm për shtensionimin e gjendjes në veriun e banuar me shumicë serbe. Një zëdhënës i bllokut i tha Radios Evropa e Lirë në shkurt se “masat e përkohshme të BE-së janë të kthyeshme dhe Këshilli tashmë ka vendosur kushte për heqjen graduale të tyre, të cilat lidhen me marrjen e hapave nga Kosova për uljen e tensioneve në veri”. Osmani dhe liderë të tjerë të vendit kanë kërkuar vazhdimisht heqjen e masave, siç ka kërkuar së voni edhe Parlamenti Evropian. Ndërkohë, Osmani tha se në takimin e së mërkurës me ambasadorët e vendeve të bllokut bisedoi edhe për hapat drejt konstituimit të institucioneve të reja të dala nga zgjedhjet e 9 shkurtit si dhe për procesin e dialogut të ndërmjetësuar nga BE-ja.

Çfarë pas çertifikimit të rezultateve të zgjedhjeve?

Pasditen e 27 marsit, Komisioni Qendror i Zgjedhjeve do të bëjë çertifikimin e rezultateve të zgjedhjeve të përgjithshme të 9 shkurtit, duke i hapur kështu rrugë formimit të institucioneve të reja. Çertifikimi bëhet pasi kanë kaluar të gjitha afatet e ankesave të partive dhe kandidatëve për deputetë në Panelin për Ankesa dhe Parashtresa dhe në Gjykatën Supreme. Procedurat për formimin e institucioneve të reja janë të parapara në Kushtetutë dhe ligje të tjera. Fillimisht, para se të çertifikohen rezultatet, anëtarët e Qeverisë aktuale të udhëhequr nga Albin Kurti, që kanë fituar votat e mjaftueshme për postin e deputetit, sipas Ligjit për qeverinë, duhet të japin dorëheqje "para ditës së çertifikimit". Partia e Kurtit, Lëvizja Vetëvendosje, është fituese e zgjedhjeve të 9 shkurtit. Menjëherë pas çertifikimit të rezultatateve të zgjedhjeve hapi i parë nuk është formimi i Qeverisë, por ai i konstituimit të përbërjes së re parlamentare. Sipas Kushtetutës dhe Rregullores së Kuvendit, pas çertifikimit të rezultatateve të zgjedhjeve presidentja e Kosovës, Vjosa Osmani, duhet që brenda 30 ditësh të thërrasë seancën konstituive të Kuvendit. Gjatë kësaj seance, deputetët e rinj bëjnë betimin dhe më pas zgjedhin kryetarët dhe nënkryetarët.

Kenia e njeh pavarësinë e Kosovës

Kenia – shtet afrikan – e ka njohur dje pavarësinë e Kosovës, duke u bërë kështu shteti i 118-të që e njeh Kosovën. Njohja nga Kenia - që u dënua nga Serbia - është e para për Kosovën në katër vjetët e fundit. Ish-presidenti i Kosovës, Behgjet Pacolli, ishte i pari që njoftoi për njohjen e vendit nga Kenia, para se presidentja e tanishme, Vjosa Osmani, të konfirmonte zyrtarisht se ka pranuar njohjen nga homologu i saj kenian, William Ruto. "Republika e Kosovës mirëpret vendimin e Republikës së Kenias për ta njohur Kosovën si shtet të pavarur dhe sovran, nëpërmjet vendimit të nënshkruar nga Presidenti Ruto të dërguar zyrtarisht pak më parë në Presidencë", shkroi Osmani në Facebook. Të mërkurën në mbrëmje, kryeministri i Kosovës, Albin Kurti, tha se i falënderon Osmanin dhe Pacollin për rolin e tyre, "krahas edhe të gjithë atyre që kontribuan në këtë arritje".

Gjykata e Bosnjës kërkon që INTERPOL-i të lëshojë fletarrestime për Dodikun dhe Stevandiqin

Gjykata e Bosnjë e Hercegovinës ka kërkuar që të lëshohen fletarrestime ndërkombëtare, përmes INTEPOL-it, për presidentin e Republikës Sërpska (RS), Millorad Dodik, dhe kryetarin e Kuvendit Popullor të këtij entiteti serb, Nenad Stevandiq.“Shpallja e fletarrestimit është në kompetencë të Zyrës Qendrore Kombëtare të INTERPOL-it”, u konfirmua sot për Radion Evropa e Lirë nga Gjykata e Bosnjës. Në një përgjigje të mëhershme për Radion Evropa e Lirë, për një rast tjetër, INTERPOL-i tha se nuk lëshon fletarrestime, por “me kërkesë të shteteve anëtare dhe pas kontrolleve të përputhshmërisë, INTERPOL-i lëshon njoftime ndërkombëtare për të kërkuarit që njihej si ‘njoftime të kuqe’”."Njoftimi i kuq" i alarmon policitë në gjithë botën për të arratisurit që kërkohen ndërkombëtarisht dhe ndihmon në sjelljen e tyre para drejtësisë. Megjithatë, është në kompetencën e vendeve anëtare të INTERPOL-it për të vendosur nëse do të arrestojnë një person ose jo. Nga Gjykata e Bosnje e Hercegovinës është bërë e ditur se fletarrestimet ndërkombëtare janë kërkuar më 26 mars nga Prokuroria e Bosnjë e Hercegovinës, e cila i ngarkon Dodikun dhe Stevandiqin, bashkë me kryeministrin e RS-së, Radovan Vishkoviq, dhe “persona të tjerë”, për sulm ndaj rendit kushtetues të Bosnjë e Hercegovinës.

Udhëheqësit nga më shumë se 30 vende janë takua sot në Paris për bisedimet kryesore të mbrojtjes

Udhëheqësit nga më shumë se 30 vende janë takua sot në Paris për bisedimet kryesore të mbrojtjes, si pjesë e një koalicioni të vullnetarëve, i cili pritet të forcojë mbështetjen për Ukrainën në rast të një marrëveshjeje armëpushimi ose një marrëveshje paqeje për t'i dhënë fund luftës trevjeçare. Samiti u organizua nga presidenti francez Emmanuel Macron dhe liderët nga Evropa, si dhe përfaqësues nga Kanadaja dhe Turqia, të cilët po diskutojnë gjithashtu formatin e një garancie të ardhshme të sigurisë që ata mund t'i ofrojnë Kievit. Siç raporton Radio Evropa e Lirë, përfaqësuesit e shtetit do të diskutojnë gjithashtu çështjet aktuale që po shqyrtohen në negociatat e udhëhequra nga Shtetet e Bashkuara, duke përfshirë kërkesën e diskutueshme të Rusisë për lehtësimin e sanksioneve. Udhëheqësit pritet të diskutojnë për ndihmën e mëtejshme ushtarake për Ukrainën, ruajtjen dhe monitorimin e çdo marrëveshjeje të armëpushimit, duke përfshirë atë të rënë dakord së fundmi për Detin e Zi, si dhe mënyrën e financimit dhe pajisjes së ushtrisë ukrainase në afat të gjatë. Samiti do të diskutojë gjithashtu vendosjen e forcave evropiane për të ofruar siguri në terren në Ukrainë, si pjesë e një marrëveshjeje më të gjerë paqeje. Macron kishte thënë më herët se formimi i një force evropiane të sigurisë do të ishte temë e bisedimeve të sotme, por theksoi se forca nuk do të jetë në vijën e parë të frontit dhe nuk do të ngarkohet me monitorimin apo zbatimin e armëpushimit.

Zelensky apelon për “qëndrueshmëri”, teksa liderët takohen për “koalicionin e vullnetit”

Presidenti ukrainas, Volodymyr Zelensky, u ka bërë thirrje partnerëve të Ukrainës të jenë “të paktën, po aq të qëndrueshëm sa jemi ne” përballë kushteve të vendosura nga Rusia për zbatimin e marrëveshjes për armëpushim në Detin e Zi. Zelensky, i cili foli me gazetarët në Paris para samitit të rëndësishëm të mbrojtjes për formimin e një “koalicioni të vullnetit”, që nis më 27 mars, tha se ai ishte pajtuar që të vazhdonte bisedimet për armëpushim në Arabinë Saudite për të siguruar rinisjen e ndihmës amerikane dhe ndarjen e informacioneve të inteligjencës. Shtëpia e Bardhë tha se bisedimet prodhuan një marrëveshje “për zhvillimin e masave për zbatimin” e zotimeve të fundit për të ndalur sulmet ndaj ndërtesave të energjisë dhe një armëpushim në Detin e Zi. Por, Rusia po kërkon që të përmbushen një sërë kushtesh, përfshirë lehtësimin e sanksioneve, në këmbim të respektimit të marrëveshjes. “Ne e kemi shfaqur qëndrueshmërinë tonë. Tani është e rëndësishme që edhe partnerët tanë të jenë po aq të qëndrueshëm sa ne, edhe pse ata kanë më shumë kapacitete”, tha Zelensky. Presidenti ukrainas i bëri këto deklarata teksa u takua me homologun e tij francez, Emmanuel Macron, në Paris para nisjes së samitit të mbrojtjes për “koalicionin e vullnetit”.

Sulmet izraelite vrasin një zyrtar të Hamasit

Sulmet ajrore izraelite të kryera në natën midis të mërkurës dhe të enjtes kanë lënë të vrarë gjashtë anëtarë të një familjeje dhe një zëdhënës të Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian – në Rripin e Gazës. Një sulm goditi një tendë ku Abdel-Latif al-Qanoua po qëndronte në zonën e Xhabalias në veri të Gazës. Zyrtari i Hamasit u vra, tha Basem Naimi, një tjetër zyrtar i grupit radikal palestinez. Një tjetër sulm ajror pranë Qytetit të Gazës vrau katër fëmijë dhe prindërit e tyre, tha shërbimi emergjent i Ministrisë së Shëndetësisë në Gazë. Izraeli i dha fund armëpushimit me Hamasin javën e kaluar, duke nisur një sërë sulmesh ajrore që kanë lënë të vrarë qindra palestinezë, përfshirë zyrtarë të Hamasit. Izraeli është zotuar se do të përshkallëzojë ofensivën nëse Hamasi nuk liron pengjet, nuk çarmatoset dhe nuk largohet nga enklava. Hamasi, gjatë sulmit ndaj Izraelit në tetor të vitit 2023, vrau afër 1.200 persona dhe rrëmbeu afër 250 të tjerë. Grupi palestinez ka thënë se do të lirojë 59 pengjet e mbetura – 24 nga të cilët besohet se janë gjallë – vetëm në këmbim të një armëpushimi të qëndrueshëm dhe tërheqjes së Izraelit nga enklava palestineze. Si pasojë e luftës, në Gazë janë vrarë mbi 50.000 palestinezë, ka thënë Ministria e Shëndetësisë në këtë enklavë.

Mark Rutte - Katër ushtarë amerikanë kanë vdekur gjatë stërvitjeve në Lituani

Katër ushtarë amerikanë kanë vdekur gjatë stërvitjeve në Lituani, njoftoi sot Sekretari i Përgjithshëm i NATO-s Mark Rutte.“Ndërsa po mbaja fjalimin tim, erdhi lajmi për vdekjen e katër ushtarëve amerikanë në një incident në Lituani”, u tha Rutte gazetarëve gjatë një vizite në Varshavë, raportoi Al Jazeera. Rute shtoi se nuk i di ende detajet e ngjarjes. Ambasada amerikane në Vilnius njoftoi më parë se katër ushtarë amerikanë ishin zhdukur pasditen e së martës dhe se ushtria dhe policia e vendit baltik, së bashku me ushtrinë amerikane, po kërkonin për ta. Ambasada njoftoi në rrjetin social X se ushtarët ishin zhdukur në një terren stërvitor pranë vendit Pabrade në Lituaninë lindore, afër kufirit me Bjellorusinë.

Dovile Sakaliene - nuk ka "asnjë konfirmim" për vdekjën e katër ushtarëve amerikanë gjatë një stërvitjeje ushtarake

Ministrja e Mbrojtjes e Lituanisë, Dovile Sakaliene, ka thënë të mërkurën vonë se nuk ka "asnjë konfirmim" për vdekjën e katër ushtarëve amerikanë gjatë një stërvitjeje ushtarake. Ajo i bëri këto komente pak pasi sekretari i Përgjithshëm i NATO-s, Mark Rutte, u tha gazetarëve në Varshavë se kishte marrë lajmin për vdekjën e "katër ushtarëve amerikanë që u vranë në një incident në Lituani". Sakaliene e hodhi poshtë deklaratën e Ruttes, duke u thënë gazetarëve në terrenin stërvitor në Pabrade, ku ushtarët amerikanë u zhdukën, se operacioni i shpëtimit është duke vazhduar. "Ky është një operacion teknikisht shumë i ndërlikuar. Një operacion kërkimi dhe shpëtimi është duke vazhduar. Dua ta theksoj këtë,nuk ka asnjë konfirmim", tha ajo. Ndërkohë, Forcat e Armatosura të Lituanisë shkruan në X: se për momentin, nuk kanë asnjë provë apo informacion që konfirmon vdekjen e trupave" amerikane.

Nesër mot i ngjashëm me të sotmin

Sot në Mal të Zi ka mbajt mot i vranët dhe me shi. Frynë erë e dobët nga drejtimet e ndryshme. Temperaturat në ora 13 u shënuan në: Budvë 17 gradë, Podgoricë e Herceg Novi 15, Tivar, Ulqin e Plevle 14, Beranë e Bijello Pole 13, Kollashin 12, Nikshiq 11, Cetinë, Rozhajë e Guci 10 dhe në Zhablak 7 gradë.
Edhe për nesër parashihet të mbajë mot me vranësira të ndryshueshme deri krejt i vranët dhe me reshje të shiut. Në veri dhe viset e larta malore edhe me skllotë e borë. Pasdite dhe në mbrëmje ndërprerje të të reshurave. Do të fryjë erë e mesme nga drejtimet e ndryshme. Temperatura maksimale e ditës do të jetë prej 5 deri në 16 gradë celsius.