Ditari 18.10.2024

Ditarin e përgatiti, Violeta Gjokaj

"MALI I ZI JEP NJË KONTRIBUT AKTIV NË REALIZIMIN E DETYRAVE NGA AGJENDA E NATO-S"

Ministri i Mbrojtjes, Dragan Krapoviq, tha në takimin e Këshillit të Atlantikut të Veriut në Bruksel, në formatin e ministrave të mbrojtjes të vendeve të NATO-s (NAC), se Mali i Zi jep një kontribut aktiv në zbatimin e detyrave në agjendën e NATO-s, duke pasur parasysh rëndësia e veprimit të koordinuar dhe të përkushtuar aleat, njoftoi Ministria e Mbrojtjes.

Gjatë ditës së dytë të takimit, ai theksoi se “do të vazhdojmë të bëjmë përpjekjet e nevojshme për të funksionalizuar planet e miratuara të mbrojtjes, plotësimin e modelit të ri të forcës dhe përshtatjen e strukturës komanduese të NATO-s”.

Ai theksoi se do të vazhdojmë të kontribuojmë në forcimin e pozitës së Aleancës në krahun lindor përmes angazhimit të pjesëtarëve të Ushtrisë së Malit të Zi në grupet luftarake në Letoni dhe Bullgari.

Ministria e Mbrojtjes tha se në ditën e dytë të mbledhjes së Këshillit të Atlantikut të Veriut, ministrat e Mbrojtjes diskutuan për procesin e transformimit të Aleancës, duke theksuar rëndësinë e ruajtjes së unitetit transatlantik dhe një qasje vendimtare për zbatimin e detyrave kryesore.

Ata gjithashtu theksojnë se është bërë një rishikim i vendimeve më të rëndësishme të marra gjatë Samitit të mbajtur së fundmi në Uashington dhe është shqyrtuar dinamika e vazhdimit të aktiviteteve të nisura.

“NË SHTATOR, NIVELI MË I ULËT I INFLACIONIT NË VITET E FUNDIT”

Në shtator, inflacioni total vjetor ra në 1 për qind, që është niveli më i ulët i inflacionit në vitet e fundit, tha zëvendëskryeministri për Politikë Ekonomike dhe Ministri i Zhvillimit Ekonomik, Nik Gjeloshaj.

Sipas të dhënave të Monstat, norma mujore e inflacionit për muajin shtator është -0.4 për qind, që do të thotë se çmimet janë 0.4 për qind më të ulëta se në gusht.

“Prandaj, është fare e sigurt se aksioni “Çmime të kufizuara” të Qeverisë së 44-të të Malit të Zi ndikoi në stabilizimin e çmimeve të ushqimeve bazë, veçanërisht duke pasur parasysh gjithëpërfshirjen e veprimit si dhe faktin se ai vlen për tregtarët me shumicë. si dhe zinxhirët e shitjes me pakicë”, thuhet në deklaratë.

Siç tha ai, Ministria e Zhvillimit Ekonomik do të vazhdojë të monitorojë në vazhdimësi çmimet e ushqimeve bazë sipas metodologjisë së përcaktuar dhe në përputhje me këtë do të propozojë masa për mbrojtjen e standardeve të qytetarëve.

PROJEKTI PËR PËRMIRËSIMIN E EFIÇIENCËS SË ENERGJISË NË 24 OBJEKTE ARSIMORE

Qeveria e Malit të Zi miratoi Informacionin për përfundimin e Marrëveshjes

në një kredi me Bankën Evropiane për Rindërtim dhe Zhvillim për financimin e projekteve për përmirësimin e efikasitetit të energjisë në objektet arsimore në Mal të Zi.

Ministria e Arsimit, Shkencës dhe Inovacionit (MPNI) njoftoi se Projekti për Përmirësimin e Efiçiencës së Energjisë mbulon 24 objekte arsimore, 12 prej të cilave janë në jug, nëntë në rajonin qendror dhe tre në veri të Malit të Zi.

Thuhet se vlera e parashikuar është 24 milionë euro, nga të cilat katër milionë euro janë grante.

MASHI sqaroi se janë 18 objekte për arsimin fillor, dy për arsimin e mesëm dhe parashkollor dhe një objekt për arsimin e lartë me një sipërfaqe totale prej 93.220 metrash katrorë.

“Projekti do të financohet përmes një marrëveshjeje kredie me Bankën Evropiane për Rindërtim dhe Zhvillim (BERZH) në shumën prej 20 milionë euro, ndërsa pjesa e mbetur prej katër milionë do të sigurohet përmes një granti investimi nga Programi Rajonal për Efiçiencë të Energjisë (REEP), financuar nga Fondi Evropian për Ballkanin Perëndimor”, thuhet në komunikatën e MASHI -së.

"MALI I ZI DHE MAQEDONIA E VERIUT KANË MARRËDHËNIE TRADICIONALISHT TË NGUSHTA"

Mali i Zi dhe Maqedonia e Veriut kanë tradicionalisht marrëdhënie të ngushta dhe një histori të pasur të përbashkët, deklaroi kryetari i Parlamentit të Malit të Zi Andrija Mandiq në takimin me Ambasadorin e Republikës së Maqedonisë së Veriut në Mal të Zi Zeqir Ramçilloviq.

Siç thuhet nga Kuvendi, Ramçilloviq i dërgoi Mandiqit ftesë zyrtare nga kolegu i tij, kryetari i Kuvendit, Afrim Gashi, për të vizituar Republikën e Maqedonisë së Veriut.

Gjatë takimit të përzemërt, bashkëbiseduesit diskutuan tema të shumta që kanë të bëjnë me vendet tona, por edhe me rajonin.

LIROHET NGA PRABURGIMI I MITURI NGA TIVARI

Pas nëntë ditësh është liruar nga paraburgimi i mituri A.K. nga Tivari, i cili akuzohet për tentim-vrasje në oborrin e Gjimnazit, pasi me thikë i ka shkaktuar lëndime të rrezikshme për jetën nxënësit D.M.

Gjyqtari hetues i Gjykatës së Lartë në Podgoricë, të dyshuarit për vrasje në tentativë më 9 tetor i ka caktuar masën e paraburgimit deri në 30 ditë me propozim të Prokurorisë së Lartë Shtetërore. I plagosuri D.M. ishte në rrezik prej ditësh.

 Ai është operuar në Spitalin e Përgjithshëm të Tivarit, ndërsa trajtimi ka vazhduar në Qendrën Klinike të Malit të Zi.

PTHSH: HETIMET LIDHUR ME RASTIN E RRITJES SË PLUMBIT NË GJAKE TE PUNËTORËT E KOMPANIS PORT OF ADRIA

Prokuroria Themelore Shtetërore në Tivar ka hapur hetimet lidhur me rastin e rritjes së përqindjes së plumbit në gjak te punëtorët e kompanisë portuale Port of Adria, kanë bërë me dije nga Prokuroria për Radion Evropa e Lirë.

Tek 58 nga 63 punëtorët e testuar është vërtetuar prani e shtuar e plumbit në gjak. Gjashtë nga ata, tek të cilët janë konstatuar vlera më të larta të kontaminimit, janë dërguar në Beograd për mjekim.

Vlera kufitare e plumbit në gjak është 28, ndërsa te disa punëtorë niveli i konstatuar është është 119. Për shkak të kontaminimit me plumb, një grup i punëtorëve të kompanisë Port of Adria kanë bërë kallëzim penal ndaj personit të panjohur, ka bëri me dije dje kryetari i sindikatës së punëtorëve të kësaj kompanie, Zoran Martinoviq.

“NË QENDRËN E KIRURGJISË SË GJIRIT OPEROHEN 400 KANCERE NË VIT”

Në Qendrën e Kirurgjisë së Gjirit të Qendrës Klinike të Malit të Zi, çdo vit operohen pothuajse 400 kancere të gjirit, tha kirurgu Vlladimir Dobriçanin.

I ftuar në emisionin “Link”, Dobriçanin tha se rastet më të shpeshta kanë qenë pacientet në dekadën e gjashtë dhe të shtatë të jetës, por se kanë pasur edhe paciente të reja.

Ai është i mendimit, se kjo është pasojë e mungesës së  kontrollit gjatë koronës.

Dobriçanin kujton se kontrollit është ndërprerë plotësisht për gati një vit, prandaj, thotë ai, tani po përballemi me këto pasoja.

Pak njerëz shkonin te mjeku në ato vite, ato dy vite ishin një vrimë e zezë e sistemit shëndetësor në botë dhe mendoj se tani dalëngadalë po përballemi me ato pasoja”, shton Dobriçanin.

MALI I ZI KA NJË NIVEL MË TË ULËT TË PËRDORIMIT TË DROGËS NË KRAHASIM ME VENDET E BE-SË

Sipas Raportit Kombëtar të Drogës për periudhën 2017-2022, Mali i Zi është në nivel më të ulët sa i përket përdorimit të drogës në krahasim me vendet e Bashkimit Evropian (BE).

Ministria e Shëndetësisë bëri të ditur se raporti, i cili është përgatitur nga ai departament qeveritar në bashkëpunim me Institutin për Shëndet Publik, Ministrinë e Punëve të Brendshme dhe institucionet tjera relevante, është publikuar nga Agjencia e BE-së për Barna.

Siç tha Ministria e Shëndetësisë, është dokumenti i parë në Mal të Zi që ofron një përmbledhje gjithëpërfshirëse të situatës lidhur me drogën dhe mbulon fushat e furnizimit me drogë, përdorimit të drogës, shëndetit dhe reagimeve sociale ndaj fenomenit të drogës, si dhe si politika e drogës.

“Në bazë të hulumtimeve të kryera në vitet e mëparshme, është konstatuar se Mali i Zi mbetet në një nivel më të ulët sa i përket përdorimit të drogës në krahasim me vendet e BE-së, me kanabisin si droga më e konsumuar, tek të rinjtë dhe tek të rriturit”, tha Ministria e Shëndeti.

Ata shtuan se raporti tregon se në Mal të Zi ka një shkallë më të lartë të konsumit tek meshkujt sesa tek femrat.

DITA EVROPIANE KUNDËR TRAFIKIMIT TË QENIEVE NJERËZORE

Sot shënohet Dita evropiane kundër trafikimit të qenieve njerëzore, këtë vit me sloganin - Mos i mbyllni sytë. Thyeje heshtjen - Stop trafikimit të qenieve njerëzore!

Qëllimi i aksionit është tërheqja e vëmendjes së publikut për rreziqet që sjell trafikimi i qenieve njerëzore dhe se viktima dhe trafikanti mund të jetë çdokush.

 Rezultatet dhe të dhënat e institucioneve kompetente në Mal të Zi tregojnë se ka një progres të caktuar në luftën kundër kësaj plage të rëndë, por edhe se ka hapësirë të mjaftueshme që duhet përmirësuar.

RTMZ MIRATOI STRATEGJI PËR MBROJTJEN E MJEDISIT, PËRGJEGJËSINË SOCIALE DHE MENAXHIMIN

Radio Televizioni i Malit të Zi (RTCG) miratoi Strategjinë për Mbrojtjen e Mjedisit, Përgjegjësinë Sociale dhe Menaxhimin (ESG), të cilën e publikojmë në Portalin tonë. Me miratimin e këtij dokumenti, RTMZ bëhet një pionier në zhvillimin e konceptit të Strategjisë për Mbrojtjen e Mjedisit, Përgjegjësinë Sociale dhe Menaxhimin.

Qëllimi i këtij koncepti është të mendohet në mënyrë strategjike për ndikimin pozitiv në shoqërinë në të cilën vepron.

Strategjinë për Mbrojtjen e Mjedisit, Përgjegjësinë Sociale dhe Menaxhimin është një grup standardesh që udhëheqin politikat e korporatave që të jenë në përputhje me konceptet e zhvillimit të qëndrueshëm në fushat e ekologjisë, përgjegjësisë sociale dhe qeverisjes së korporatës.

Qëllimi kryesor i strategjisë është të zyrtarizojë përkushtimin e transmetuesit ndaj qëndrueshmërisë, barazisë sociale dhe qeverisjes së përgjegjshme, duke harmonizuar operacionet e tij me pritshmëritë më të gjera të shoqërisë dhe duke kontribuar në mirëqenien e brezave të tanishëm dhe të ardhshëm.

ZULFAJ: JO ZBATIM TË PJESSHËM TË MARRËVESHJES, POR ZBATIM TË PLOTË

Këshilltari i kryeministrit, Albin Kurti, Jeton Zulfaj tha se marrëveshja e arritur vitin e kaluar duhet të ketë zbatim të plotë e për këtë, tha ai, duhet të ketë një plan sekuencimi për çka edhe po punon numri dy i qeverisë, i ngarkuari për dialog, kryenegociatoi Besnik Bislimi.

“Marrëveshjen që e kemi arritur vitin e kaluar, qëndrimi i Republikës së Kosovës është që ajo duhet të ketë zbatim të plotë dhe se në këtë drejtim duhet së pari të kemi një plan të sekuencimit për të cilin po punon zëvendëskryeministri dhe kryenegociatori Besnik Bislimi”, tha para gazetarëve ai.

I pyetur nëse presin zbatim të pikave të marrëveshjes së Ohrit e Brukselit nga pala serbe, ai tha se Serbia ka dalë nga marrëveshja.

Ai tha se letra e deponuar nga ish-kryeministrja serbe, Ana Bërnabiq duhet të tërhiqet e të kthehet besimi në marrëveshje.

“Ne kemi thënë që letra që ka deponuar ish-kryeministrja e Serbisë Ana Bërnabiq në dhjetor të vitit të kaluar, ajo duhet të tërhiqet sepse aty shprehet se për Serbinë marrëveshja nuk është e zbatueshme tërësisht, e pranueshme tërësisht dhe as ligjërisht  e obligueshme.

Pra, përderisa ata kanë dal nga marrëveshja, duhet që të kthehet besimi në marrëveshje dhe pastaj zbatimi i plotë i saj. Nuk mund të ketë zbatim të pjesshëm, por zbatim të plotë”, tha Zulfaj.

VON DER LEYEN DO TA VIZITOJË BALLKANIN PERËNDIMOR JAVËN E ARDHSHME

Kryetarja e Komisionit Evropian, Ursulla von der Lejen, do të vizitojë Malin e Zi të shtunën, më 26 tetor, është bërë e ditur në Bruksel.

Gjatë vizitës Lajen do të takohet me presidentin Jakov Millatoviq dhe kryeministrin Millojko Spajiq.

Lajen do të qëndrojë në Mal të Zi në kuadër të vizitës së saj në vendet e rajonit të Ballkanit Perëndimor.

Turin Ballkanik ajo do e fillojë në Tiranë, ku do të takohet kryeministrin Edi Rama dhe me presidentin Bajram Begaj, kurse të enjten do të udhëtojë në Maqedoninë e Veriut dhe në zonat e përmbytura në Bosnjë-Hercegovinë.

Të premten, ajo do të vizitojë Serbinë për të vazhduar takimet politike dhe institucionale, ndërsa do të përmbyllë turin të shtunën duke vizituar Kosovën dhe Malin e Zi.

TIRANË: POLICIA KA ÇUAR NË SPAK 7 DEPUTETË TË PARTISË DEMOKRATIKE

Pas kaosit të shkaktuar ditën e djeshme në seancën plenare dhe jashtë Kuvendit, policia e Tiranës ka çuar në SPAK 7 deputetë të Partisë Demokratike.

Policia ka referuar materialet në Prokurorinë e Posaçme Kundër Korrupsionit dhe Krimit të Organizuar në gjendje të lirë për deputeten Elda Hoti, për veprën penale “Kanosje” dhe “Shkelje të rregullave mbi lëndët helmuese. Elda Hoti, Flamur Noka, Bledion Nallbati, Gazment Bardhi, Dashnor Sula, Luan Baçi dhe Sajmir Korreshi do të hetohen për veprën penale Kundërshtimi i punonjësit të policisë së rendit publik.

 Policia thotë se deputetja Elda Hoti hodhi në drejtim të deputetëve një lëndë të lëngshme të paidentifikuar, ndërsa në hyrje të godinës së Kuvendit të Shqipërisë, deputetët e tjerë kanë kundërshtuar me dhunë punonjësit e policisë të planëzuar me shërbim.

TURQI: SË PAKU GJASHTË PERSONA E HUMBËN JETËN DHE 25 TË TJERË U LËNDUAN

Të paktën gjashtë persona e humbën jetën dhe 25 të tjerë u lënduan kur një autobus turistik u përmbys në Aksaraj të Turqisë.

Nga të dhënat paraprake mësohet se nga aksidenti kanë humbur jetën gjashtë persona, ndërsa 25 janë plagosur.

Guvernatori i Aksarajit, Mehmet Ali Kumbuzoglu tha se autobusi turistik po udhëtonte nga Balukesirit drejt Kapadokias.

 Fatkeqësisht në këtë aksident trafiku kanë humbur jetën gjashtë qytetarë tanë. Sipas informacioneve të para kemi 25 të lënduar”, shtoi Kumbuzoglu.

NETANJAHU: LUFTA NË LINDJEN E MESME ENDE NUK KA PËRFUNDUAR

Kryeministri izraelit, Benjamin Netanjahu tha, pas vrasjes së liderit të Hamasit, Jahja Sinuar, se lufta në Lindjen e Mesme ende nuk ka përfunduar dhe se grupi militant palestinez nuk do të mbetet në pushtet në Rripin e Gazës.

Forcat izraelite pretendojnë se Mohamed Ramal, një tjetër komandant i Hezbollahut, u vra në një sulm në Libanin jugor. Hezbollahu, grupi militant i mbështetur nga Irani, ka bërë me dije sot se do ta “përshkallëzojë” luftën kundër Izraelit, pas vrasjes së liderit të Hamasit.

 Ata do të përdorin raketa të drejtuara për të shënjestruar ushtarët izraelitë, njoftoi grupi militant libanez.

Edhe Irani bëri me dije se "fryma e rezistencës do të forcohet" pas vrasjes së Sinuarit. Ndërkohë, në sulmet izraelite në dy kampe refugjatësh u vranë të paktën 37 palestinezë.

BIDEN DHE SCHOLZ BISEDOJNË PËR UKRAINËN , TEKSA RUSIA KRYEN SULM “MASIV”

Presidenti i Shteteve të Bashkuara, Joe Biden, u takua me kancelarin Olaf Scholz, në Berlin, para se të mbajë bisedime të përbashkëta për Ukrainën me udhëheqësit e Gjermanisë, Francës dhe Britanisë, teksa Rusia vazhdoi sulmet ndaj qyteteve dhe infrastrukturës ukrainase. Sot, Moska kreu "një prej sulmeve më masive" me dronë ndaj Ukrainës.

Vizita e Bidenit në Gjermani vjen një ditë pasi presidenti ukrainas, Volodymyr Zelensky, ua prezantojë udhëheqësve të Bashkimit Evropian dhe zyrtarëve të lartë të NATO-s një sërë masash për të cilat tha se do të ndihmonin vendin e tij t’i japë fund pushtimit 31-mujor nga Rusia.

Biden u bëri thirrje aleatëve të Ukrainës që të vazhdojnë të jenë të vendosur dhe të mbështesin Kievin.

Ai lavdëroi Scholzin për mbështetjen që i jep Kievit, por po ashtu mirëpriti shpenzimet prej 2 për qind të Bruto Prodhimit të Brendshëm për mbrojtje, ashtu siç kërkohet nga shtetet e NATO-s.

SEULI E AKUZON KORENË E VERIUT PËR DËRGIMIN E USHTARËVE NË RUSI

Koreja e Jugut tha  sot se Pheniani nisi zhvendosjen e forcave speciale në Rusi në fillim të këtij muaji, pak ditë pasi presidenti ukrainas, Volodymyr Zelensky, e akuzoi Korenë e Veriut se ka dërguar ushtarë dhe armë për ta ndihmuar Kremlinin në luftën e tij kundër Ukrainës.

Shërbimi i Inteligjencës Kombëtare i Koresë së Jugut (NIS) tha në një komunikatë  sot se ka gjurmuar lëvizjet e ushtrisë së Veriut nga 8 deri më 13 tetor dhe se ka kapur imazhe të Koresë së Veriut duke dërguar forca speciale në territorin rus përmes një anije ruse.

Ajo tha se kjo është hera e parë që një anije e Marinës Ruse u zbulua duke hyrë në ujërat e Koresë së Veriut prej vitit 1990, "duke konfirmuar fillimin e pjesëmarrjes së ushtrisë koreanoveriore në luftë”.

NESËR MOT ME VRANËSIRA TE NDRYSHUESHME DHE ME RESHJE TE DOBËTA TE SHIUT

Për nesër pritet mot me vranësira të ndryshueshme, vende-vende edhe me reshje të dobëta të shiu.

Do të fryjë erë kryesisht e dobët deri mesatare nga drejtime të ndryshueshme, në juglindje herë pas here deri e fortë nga lindja.

Temperatura e mëngjesit nga 6 deri në 17, kurse më e lartë ditore prej 15 deri në 25 gradë.