JUBILEJ TORESA

Atletiko nakon preokreta slomio Eibar

Atletiko Madrid je na svom "Kalderonu" savladao Eibar rezultatom 3:1 i tako se nakon dva kola vratio pobjedama. Atletiko ima 51 bod, koliko i prvoplasirana Barselona, ali Katalonci imaju i dvije utakmice manje, dok je Eibar nakon trećeg uzastopnog poraza osmi sa 33.

Prvo poluvrijeme je završeno bez golova, a na startu drugog Keko je na asistenciju Enriha pogodio i utišao "Kalderon".

Ipak, Madriđani su pokazali reakciju nakon toga.

Deset minuta kasnije, Koke je proigrao Himeneza, a ovaj je poravnao - 1:1. Preokret je donio Nigez u 63. minutu, ponovo je asistent bio Koke.

Neizvjesnost je trajala do prvog minuta nadoknade vremena, kada je Fernando Tores postavio konačnih 3:1. Bio je to njegov jubilarni 100. gol u dresu "jorgandžija".