POPLAVE

Hrvatska:Voda i dalje prijeti, sjutra nove padavine

Hrvatska se danima bori sa poplavama. Najkritičnija situacija je u Čičkoj Poljani, Jasenovcu i okolini Siska. Danas situacija bolja, jer nema padavina.

Stanovnici neretvanskog kraja, ali i Čičke Poljane, sinoć nijesu spavali. Talas vode koji je zahvatio ta područja uzrokovao je brojne nevolje, a vatrogasci i građani gotovo cijelu noć su postavljali zečje nasipe na ugrožena područja, ne bi li spasili kuće kojima je voda ozbiljno zaprijetila.

Na neretvanskom području je sinoć najteže bilo u okolini Metkovića. Još tokom jučerašnjeg dana na tom je području poplavljeno 15 kuća, kao i lokalna cesta. Ipak, danas stižu bolje vijesti - vodostaj Neretve u blagom je padu.

Zbog spajanja Save i Kupe, te izlijevanja u Odru došlo je do vraćanja vode iz smjera Veleševca prema Čičkoj Poljani. Ugrožene su kuće. Aktivirana su sva vatrogasna društva Grada Velike Gorice koja rade na gradnji zečjih nasipa i obrani kuća.

Radnici Hrvatskih voda pokušaće da nabave još jednu pumpu, kako bi se ubrzali radovi izbacivanja vode iz kuća. Normalizaciji stanja na terenu pogoduje i smirivanje vremena.

Međutim, već sutra se očekuju nove padavine, a s njima su mogući i novi problemi na poplavljenim područjima.

Sava i Kupa i dalje prijete Jasenovcu i selima u okolici Siska. Sve snage su na terenu, rekao je hrvatskim medijima Zoran Čavlović iz Hrvatskih voda.

Zbog poplava zatvorene su brojni putevi.