Objavila M.Mi [ Beta ]

DOŽIVOTNI ZATVOR

U Koloradu ukinuta smrtna kazna

Kolorado je danas postao 22. američka savezna država koja je ukinula smrtnu kaznu.

Guverner te države Džared Polis u ponedjeljak je ratifikovao zakon o ukidanju, uz ocjenu da "smrtna kazna ne može i nikada nije bila sprovedena na jednak način u cijelom Koloradu".

Najstroža kazna u toj državi će od sada biti doživotni zatvor bez mogućnosti preinačenja kazne.

Zvaničnici Kolorada su u nekoliko navrata bezuspješno pokušali da ukinu smrtnu kaznu na snazi do 1979. godine.

U toj američkoj državi sprovedena je samo jedna smrtna kazna. Zatvorenik je bio Geri Dejvis, osuđen 1997. godine za silovanje i ubistvo.

U SAD su prošle godine bila 22 pogubljenja i to pretežno u sedam država, na konzervativnom jugu. U Teksasu je pogubljen najveći broj osuđenika, njih devet.