[ RTS, Objavila: R.B. ]

NESREĆA U FRANCUSKOJ

Utopilo se dvoje djece sa Kosova

Dvoje djece, brat i sestra sa Kosova, utopilo se u utorak veče u nabujaloj rijeci Loara, u centralnoj Francuskoj. Oni su se, u prisustvu svoje majke, igrali u blizini rijeke u mjestu Montbrison, prenose francuski mediji informaciju od žandarmerije tog okruga.

Prema pisanjima francuskih medija, brat i sestra rođeni su 2014. i 2017. godine.

Francuski mediji prenose da je prvo u vodu upalo mlađe dijete. Nakon toga, sestra je pokušala da ga uhvati, ali ju je odvukla riječna bujica.

Majka je skočila za njima, ali nije uspjela da ih spasi. Alarmirala je ljude kako bi stigle hitne službe, ali one po dolasku nijesu ništa mogle da urade, piše "L' Parizjen".

Tužilaštvo u Sent Ejenu pokrenulo je istragu i naložilo obdukciju oba tijela.