[ Beta, Objavila: J.B.Č. ]

KINA

U klizištima stradalo 12 osoba, nestale 34

Najmanje 12 osoba je stradalo u dva klizišta na jugozapadu Kine gdje spasilačke ekipe tragaju za 34 osobe, prenijeli su danas kineski mediji.

U klizištu u provinciji Gižu koje se dogodilo sinoć, zatrpano je više od 20 kuća i na tom području je stradalo 11 osoba. Spasioci su uspjeli da izvuku 11 osoba, ali tragaju za 34.

Više od 800 pripadnika spasilačke službe angažovano je na terenu, gdje jaka kiša otežava operaciju spašavanja, javila je televizija CCTV.

U drugom klizištu u istoj provinciji stradala je jedna osoba. Klizište se dogodilo na gradilištu jednog autoputa, javila je kineska agencija Sinhua.