[ Beta,I.Š. ]

BOKO HARAM

U napadu u Nigeriji ubijen vojnik

U napadu ekstremističke grupe Boko haram na vojni punkt na sjeveroistoku Nigerije jedan vojnik je ubijen, a tri su ranjena, saopštili su izvori bliski snagama bezbjednosti.

Napad se dogodio poslije podne u jednom selu oko 90 kilometara od Majdagurija, glavnog grada nigerijske savezne države Borno.

"Izgubili smo jednog vojnika u napadu Boko harama. Tri vojnika su povrijeđena", rekao je Frans presu neimenovani vojni izvor ne navodeći druge detalje.

Nigerijska država Borno je utočište raznih džihadističkih grupa, među kojima je Boko haram najaktivnija grupa koja zagovara radikalno tumačenje šerijatskog zakona.