MIRKOVA BAŠTA

Na krovu zgrade uzgaja više od 80 biljaka

Penzioner Mirko Guzina, svojevremeno najmlađi crnogorski planinar, oživio je svoju baštu na vrhu zgrade u kojoj živi i stvara.

Na krovu zgrade u Bulevaru Svetog Petra Cetinjskog napravio je baštu u kojoj, kako kaže, ima preko 80 kultura.

Mirko za Jutarnji program TVCG kaže da je baštu najteže održavati ljeti, jer biljke traže dosta vode.

“Čovjek mora da bude stalno prisutan sa biljkama, biljka osjeti ako je zanemarana i ona će da umre”, kaže Mirko.

Na krovu uzgaja i jabuke, minijaturne breskve, šumske jagode, jasen i brojno drugo bilje.

“I komšije sam “zarazio”, da se i oni bave ovim. Ja ovo već oko 35 godina gajim. Ovo je velika ljubav da ujutru odmorim oči od betona. U svemu mi i žena mnogo pomaže”, kaže Mirko.