[ Objavio: O.Z. ]

KRAJ SNA O MEDALJI

"Ajkule" poražene na peterce

Vaterpolo reprezentacija Crne Gore poražena je od Australije nakon peteraca u utakmici osmine finala Svjetskog prvenstva u Južnoj Koreji, pošto je u regularnom dijelu igre bilo 9:9 (1:3, 3:2, 4:2, 1:2). "Ajkule" idu u razigravanje od 9. do 16. mjesta. Uskoro opširnije...

Razočaravajući rezultat naše reprezentacije, san o medalji Svjetskom prvenstvu završen je u osmini finala.

"Ajkule" su i treći put odigrale neriješeno (nakon duela sa Srbijom i Grčkom), ali kobni su bili peterci. Lazović je u drugoj seriji odbranio udarac Kempbela, ali odmah potom Janović ne koristi peterac, da bi potom u četvrtoj seriji Denerli obranio šut Radovića, a Australijanci bili sigurni do kraja.

Loše su izabranici Vladimira Gojkovića ušli u meč, preko poloa četvrtine bili bez gola, a Australija je povela 2:0 a do kraja prvih 8 minuta i 3:1. Crna Gora je najavila nešto bolju igru u drugoj četvrtini koju je riješila u svoju korist (3:2), a na početku poluvremena došla je i do prvog izjednačenja (8:8).

Najsvjetliji momenti meča za "ajkule" bili su u trećoj četvrtini kada su napravile preokret serijom 4:0 i u posljednju dionicu ušle sa vođstvom od 8:7.

Međutim, opet je zakazo napad. Australija je u posljednjoj četvrtini uspjela da napravi preokret i povede 9:8. Izabranici Gojkovića do kraja su izjednačili rezultat i imali priliku da dođu do pobjede, ali je lopta nakon šuta Aleksandra Ivovića završila na prečki.

Junak trijumfa bio je Džo Kejs sa četiri pogotka.

U crnogorskoj selekciji Aleksandar Ivović je postigao tri, Đuro Radović dva, a po gol Marko Petković, Dragan Drašković, Bogdan Đurđić i Draško Brguljan.

Loša je bila realizacija napada sa igračem više - 9/3.

Australija će u četvrtfinalu igrati sa Mađarskom.

Crnogorskim vaterpolistima slijedi borba za plasman od devetog do 12. mjesta.

Prvi rival u utorak biće im poraženi iz duela Španije i Japana.

TOK MEČA:

PETERCI:

Hauden odvodi Australiju u četvrtfinle - 2:4

Denerli  brani udarac Radovića   

Janger pogađa - 2:3

Đurđić siguran - 2:2

Kejs - 1:2

Brani i Denerli šut Janovića

Brani Lazović udarac Kempbela.

Ivović - 1:1

Rouč prvi šutira i donosi prednost Australiji - 0:1

4. četvrtina:

Posljednji dio igre pripao je Ausraliji - 1:2

Ukropina je izblokiran, odlučivaće peterci.

Odbranili smo se i imamo 8 sekundi za posljednji napad.

Ivović pogađa prečku sa distance u posljednjim sekundima meča.

9:9 Radović pogađa sa igračem više za novo izjednačenje. (2:41 do kraja meča)

Ivović je šutirao, ostaje 8:9. "Ajkule" bez gola u posljednjoj dionici.

8:9 Australija je preokrenula golom Kejsa nakon brzog napada. (4:06 do kraja meča)

8:8 Edvards pronalazi put do mreže u napadu sa igračem više. Drugo izjednačenje u meču.

Kao i u prethodnim četvrtinama, Australija ima prvi napad.

3. četvrtina:

Kraj četvrtine. Odličnih 8 minuta za našu reprezentaciju, u ovoj dionici slavili su sa 4:2 i preokrenuli ukupan rezultat.

8:7  Australija koristi igrača više, Janger je strijelac. 

8:6 Brguljan na sjajan način završava brz napad naše selekcije.

7:6 Kejs postiže svoj treći gol danas. (3:48 do kraja četvrtine)

Proradio je naš napad, serija "ajkula" 4:0.

7:5 Bogdan Đurđić pogađa sa igračem više. 

6:5 Preokret "ajkula", Ivović ponovo siguran sa pet metara.

5:5 Prvo izjednačenje na današnjem meču. Brza akcija poslije dobre odbrane i gol Radovića.

I u trećoj četvrtini Australija ima prvi napad, ali ga ne koristi.

2. četvrtina:

Kraj poluvremena. Australija i dalje vodi, ali "ajkule" su drugu četvrtinu riješile u svoju korist (3:2).

4:5 Konačno gol sa igračem više. Dragan Drašković je pogodio. (20 sekundi do kraja četvrtine)

3:5 Stiže kazna na drugoj strani, Houden donos Australiji plus dva.

Opet nema realizacijae u napadu sa igračem više, prvo je Janović pogodio stativu a potom Denerli brani udarac Ukropine.

Treći put ne koristimo igrača više, Brguljan je šutirao pravo u golmana  Denerlija. (3::20 minuta do kraja poluvremena)

3:4 Ivović trese mrežu iz peterca koji je izborio Murišić.

2:4 Kejs pogađa u posljednjoj sekundi za napad Australije.

2:3 Aleksandar Ivović smanjuje, koristimo prvi napad u drugoj dionici.

Ponovo Australija ima prvi napad, Hauden prvi stiže do lopte na centru.

1. četvrtina:

Kraj prve četvrtine - 1:3, naši vaterpolisti moraju da poprave igru u napadu.

1:3 Novi gol Australije na isteku prvog dijela igre.  Vord je pogodio s igračem više.

1:2 Petković je strijelac prvog gola naše selekcije. (3:24 min do kraja četvrtine.)

Ni Australija ne koristi igrača više.

Ponovo ne koristimo brojčanu prednost, loša organizacija napada.

0:2 Kazna na drugoj strani, Kejs postiže drugi gol, nakon dva minuta igre.

Ne koristimo prvi napad sa igračem više, Spaić je prebacio gol.

0:1 Australija je prva povela, Rouč je strijelac.

Prvi napad ima Australija, ali odbranili su se crnogorski vaterpolisti.

U grupnoj fazi turnira, crnogorski vaterpolisti upisali su jedan trijumf (Južna Koreja) i dva remija (Srbija i Grčka) i kao drugoplasirani u grupi A izborili osminu finala.

Australija e nakon poraza od Hrvatske i SAD-a, uz pobjdu nad Kazahstanom završila na trećem mjestu u grupi B.

Pobjednik će u četvrfinalu igrati protiv selekcije Mađarske koja je upisala sve tri pobjede u grupi C.